MNP ၊ မေ ၂၃
ရခိုင်ပြည်နယ် အမ်းခရိုင် အမ်းမြို့ နယ် တွင် ကိုဗစ် - ၁၉ ရောဂါဖြစ်ပွားမှုကို ထိန်းချုပ်နိုင်ရေးနှင့် ကြိုတင်ကာကွယ်နိုင်ရေးအတွက် ဌာနဆိုင်ရာဝန်ထမ်းများနှင့်၎င်းတို့၏မိသားစုဝင်များ ပြည်သူ များအား ကိုဗစ် - ၁၉ ရောဂါကာကွယ် ဆေးထိုးနှံပေးခြင်းကို ယနေ့ နံနက်ကကျန်းမာရေးဝန်ထမ်းများက ထိုးနှံပေးလျက်ရှိကြောင်း သိရသည်။
ထိုသို့ထိုးနှံပေးလျက်ရှိရာ အမ်းမြို့ နယ်၌ အမှတ်( ၄)စျေးတောင်ရပ်ကွက်နှင့် အမ်းမြောက်ရပ်ကွက်အတွင်း ကာ ကွယ်ဆေးထိုးနှံပေးေနမှုအား ခရိုင်စီမံအုပ်ချုပ်ရေးအဖွဲ့ခေတ္တဥက္ကဌ ဒုတိယဗိုလ်မှူးကြီး မောင်မောင်ခိုင်၊ခေတ္တခရိုင်အုပ်ချုပ်ရေးမှူးဦးသန်းဝင်း၊မြို့နယ်စီမံအုပ်ချုပ်ရေးအဖွဲ့ဥက္ကဌ ဦးစိုးမင်းထက်နှင့်အဖွဲ့ဝင်များ ဌာနဆိုင်ရာတာဝန်ရှိသူများက ကိုဗစ်- ၁၉ ရောဂါကာကွယ်ဆေး ထိုးနှံမှုများအားလှည့်လည်ကြည့်ရှု အားပေးခဲ့ကြသည်။
အမှတ်( ၄)စျေးတောင်ရပ်ကွက်နှင့်အမ်း မြောက်ရပ်ကွက်အတွင်းကာကွယ် ဆေးထိုးနှံပေးနေမှု၌ Sinopharm အမျိုးအစားကာကွယ်ဆေး တတိယအကြိမ်ထိုးနှံသူ (၈၄) ဉီး၊ စတုတ္ထအကြိမ်ထိုးနှံသူ (၉၆) ဦး၊ ပဉ္စမအကြိမ်ထိုးနှံသူ (၃၀) ဦး၊ စုစုပေါင်း ဌာနဆိုင်ရာဝန်ထမ်းများနှင့်၎င်းတို့၏မိသားစုဝင်များ ပြည် သူ (၂၁၀) ဉီးတို့ကို ကျန်းမာရေးဝန်ထမ်းများက ထိုးနှံပေးခဲ့ကြောင်းသိရသည်။
အမ်းခရိုင် အမ်းမြို့နယ်အတွင်းရှိဌာနဆိုင်ရာဝန်ထမ်းများနှင့်၎င်းတို့၏ မိသားစုဝင်များ ပြည်သူများ ကိုဗစ်-၁၉ ရောဂါကြိုတင်ကာကွယ်နိုင်ရေးအတွက် ကိုဗစ်-၁၉ရော ဂါကာကွယ်ဆေး အကြိမ်ပြည့် ထိုးနှံနိုင်ရေးနှင့် ကြိုတင်ကာကွယ် ရေးနည်းလမ်း များအတိုင်း လိုက်နာနေထိုင်နိုင်ရေးအတွက် အသိပညာပေးခြင်းလုပ်ငန်းများကို ခရိုင်/ မြို့နယ် စီမံအုပ်ချုပ်ရေးအဖွဲ့ ၏ဦးဆောင်မှုဖြင့် တာဝန်ရှိသူများက အရှိန်အဟုန်မပြတ် ပူးပေါင်းဆောင်ရွက်လျက်ရှိကြောင်းသိရသည်။
https://t.me/MyanmarNationalPost
No comments:
Post a Comment