MNP ၊ မေ ၂၀
ရခိုင်ပြည်နယ်၊ သံတွဲခရိုင်၊ ကျိန္တလီမြို့၌ ဆိုင်ကလုန်း(မိုခါ)မုန်တိုင်း တိုက်ခတ်မှုကြောင့် စေတီကွင်းကျေးရွာအုပ်စု ကျောက်ခေါင်းကွင်းကျေးရွာရှိ စာသင်ကျောင်းတွင် အမိုးများ ပျက်စီးခဲ့သဖြင့် အဆိုပါ စာသင်ကျောင်းအား ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် သွပ်(၁၈၅)ချပ်ကို ယနေ့နံနက် ၈ နာရီ အချိန်က သွားရောက် ပေးအပ်ခဲ့သည်။
ထိုသို့ ပေးအပ်ရာတွင် ဗိုလ်ချုပ်စိုးနိုင်ဦး၊ အနောက်ပိုင်းတိုင်း စစ်ဌာနချုပ် ဗိုလ်မှူးချုပ် ကျော်ကျော်သန်း၊ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးမျိုးချစ်နှင့် အဖွဲ့ဝင်များ၊ မြို့နယ် စီမံအုပ်ချုပ်ရေးအဖွဲ့ဝင်များ၊ ခရိုင်ပညာရေးမှူး၊ မြို့နယ်ပညာရေးမှူးတို့တက်ရောက်ခဲ့ကြပြီး ရခိုင်ပြည်နယ်အစိုးရအဖွဲ့မှ ထောက်ပံ့ပေးသော သွပ် (၇' x ၃') (၁၈၅)ချပ်ကို စေတီကွင်းကျေးရွာအုပ်စု ကျောက်ခေါင်းကွင်းကျေးရွာ အ.မ.က ကျောင်းမှ ကျောင်းအုပ်ဆရမကြီး ဒေါ်ခင်သန္တာအောင်နှင့် ကျေးရွာရှိပြည်သူများထံသို့ ပေးအပ်ခဲ့ကြောင်း သိရသည်။
ဇော်လင်း
https://t.me/MyanmarNationalPost
No comments:
Post a Comment