MNP ၊ မေ ၂၄
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် ညောင်စာရေးကျေးရွာအုပ်စု၊ လှေကြီးစုကျေးရွာရှိလူနေအိမ် ( ၂၇) လုံးအားကမ်းပါးပြိုကျ၍ ဘေးလွတ်ရာနေရာ၌ ပြောင်းရွေ့နေထိုင်နိုင်ရေးအတွက်ဝယ်ယူထားရှိပြီး စနစ်တကျ မြေကွက်ရိုက်ထားပြီးဖြစ်သောမြေနေရာပေါ်တွင် ပြောင်းရွှေ့နေထိုင်နိုင်ရေးအတွက် မဲစနစ်ဖြင့်နေရာချထားခြင်းကို ယမန်နေ့နံနက်ပိုင်းက ဆောင်ရွက်ပေးခဲ့ကြောင်းသိရသည်။
အဆိုပါလူနေအိမ် ( ၂၇) လုံးအားကမ်းပါးပြိုကျ၍ ဘေးလွတ်ရာနေရာ၌ ပြောင်းရွေ့နေထိုင်နိုင်ရေးအတွက် ပဲခူးတိုင်းဒေသကြီးအစိုးရအဖွဲ့၏ ထောက်ပံ့ငွေ ( ၅၀၀၀၀၀၀/-) ကျပ်ဖြင့်ဝယ်ယူထားရှိသောယာမြေဧရိယာ ( ၁ . ၂၀) ဧကပေါ်ရှိ မြေကွက် ( ၂၇) ကွက်အား စနစ်တကျ ဖော်ထုတ်၍ ပြောင်းရွေ့နေထိုင်နိုင်ရေးအတွက် မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဟံဝင်းအောင်၏ အနီးကပ်ကြီးကြပ်မှုဖြင့်မြို့နယ်စီမံအုပ်ချုပ်ရေးအဖွဲ့၊ အဖွဲ့ဝင် ဦးကျော်လွင် ဦးဆောင်၍ ကမ်းပါးပြိုအိမ်ထောင်စုများအား မဲစနစ်ဖြင့်စနစ်တကျခွဲဝေနေရာချထားပေးခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment