MNP ၊ မေ ၁၇
မကွေးတိုင်းဒေသကြီး၊ ချောက်ခရိုင်၊ ချောက်မြို့တွင် ဗုဒ္ဓဘာသာအခြေခံယဉ်ကျေးလိမ္မာသင်တန်းဖွင့်ပွဲကို ယနေ့ နံနက် (၈) နာရီအချိန်က မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပပြုလုပ်ခဲ့သည်။
ရှေးဦးစွာ မြို့နယ်မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီဥက္ကဋ္ဌ ဒေါ်နန်းနွမ်ခမ်းခေါင်က အဖွင့်အမှာစကား ပြောကြားရာတွင် လူငယ်များ ဗုဒ္ဓဘာသာဆိုင်ရာစာပေများကို စနစ်တကျ လေ့လာသင်ယူပြီး လိမ္မာယဉ်ကျေးမှုရှိစေရန်၊ မြန်မာ့ယဉ်ကျေးမှုကို သိရှိနားလည်ထိန်းသိမ်းတတ်စေရန်၊ အမျိုးဘာသာ သာသနာကို ထိန်းသိမ်းစောင့်ရှောက်နိုင်သော အမျိုးကောင်းသား၊ အမျိုးကောင်းသမီးများ ဖြစ်လာစေရန်နှင့် ယဉ်ကျေးသော လူ့အဖွဲ့အစည်း တည်ဆောက်နိုင်စေရန် ရည်ရွယ်၍ ဗုဒ္ဓဘာသာအခြေခံ ယဉ်ကျေးလိမ္မာသင်တန်းကို ဖွင့်လှစ်ရခြင်းဖြစ်ကြောင်း ပြောကြားခဲ့သည်။
ထိုနောက် ခရိုင်မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီအဖွဲ့ဝင် ဒေါ်ဝါဝါလှိုင်မှ ဗုဒ္ဓဘာသာအခြေခံယဉ်ကျေးလိမ္မာသင်တန်းသား/သင်တန်းသူများအား သင်တန်းကို စိတ်ပါဝင်စားစွာဖြင့် မပျက်မကွက် တက်ရောက်သင်ကြားရေးနှင့် လေ့လာသင်ယူရေး မှာကြားခဲ့သည်။
ဆက်လက်၍ ဗုဒ္ဓဘာသာအခြေခံယဉ်ကျေးလိမ္မာသင်တန်း ဆရာမ ဒေါ်သိင်္ဂီဝင်းက သင်ကြားမည့်ဘာသာရပ်များနှင့် သင်တန်းအချိန်ဇယားများအား ရှင်းလင်း ပြောကြားခဲ့သည်။
အဆိုပါ ဗုဒ္ဓဘာသာအခြေခံယဉ်ကျေးလိမ္မာသင်တန်းသို့ ခရိုင်/မြို့နယ်မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီဥက္ကဋ္ဌနှင့် အဖွဲ့ဝင်များ၊ ဗုဒ္ဓဘာသာ အခြေခံယဉ်ကျေးလိမ္မာသင်တန်း နည်းပြဆရာမများနှင့် သင်တန်းသား/သင်တန်းသူ ( ၅၀) ဦး တက်ရောက်တက်ရောက်ခဲ့ပြီး သင်တန်းကို မေလ (၁၇) ရက်နေ့မှ မေလ(၁၉) ရက်နေ့အထိ (၃) ရက်ကြာ သင်ကြားပို့ချသွားမည်ဖြစ်ကြောင်း သိရသည်။
ကျော်မိုး
https://t.me/MyanmarNationalPost
No comments:
Post a Comment