MNP ၊ မေ ၂၇
ရန်ကုန်တိုင်းဒေသကြီး၊ ကျောက်တံတားခရိုင်၊ လသာမြို့နယ်တွင် မြို့နယ်အဆင့်ကျောင်းအပ်နှံရေးနေ့ အခမ်းအနားကို ယမန်နေ့နံနက်(၈)နာရီက လသာမြို့နယ်၊ အမှတ်(၁)အခြေခံပညာအထက်တန်းကျောင်း အ.ထ.က(၁)လသာ)ဗဟိုစံပြခန်းမဆောင်၌ ကျင်းပပြုလုပ်ရာ လသာမြို့နယ်ကျောင်းသားကျောင်းသူများက မြန်မာ့ကျောင်းသီချင်းဖြင့် အခမ်းအနားကိုဖွင့်လှစ်ခဲ့ကြသည်။
ထို့နောက်ရန်ကုန်တိုင်းဒေသကြီး၊ ကျောက်တံတားခရိုင်၊ ခရိုင်ပညာရေးမှူးဒေါ်မာလာရီနှင့် လသာမြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးရန်နိုင်ဝင်းတို့မှ အဖွင့်အမှာစကားအသီးသီးပြောကြားခဲ့ကြသည်။
ယင်းနောက် လသာမြို့နယ်မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးရန်နိုင်ဝင်း၊ မြို့နယ်စီမံအုပ်ချုပ်ရေးအဖွဲ့ဝင်(၁)ဗိုလ်မှူးဆန်းထွန်းအောင်တို့ကကျောင်းသုံးပစ္စည်းများ ပေးအပ်လှူဒါန်းရာ သက်ဆိုင်ရာကျောင်းအလိုက်တာဝန်ရှိ သူများကလက်ခံရယူခဲ့ကြသည်။
ထို့နောက်လသာမြို့နယ်ပညာရေးမှူး ဆရာမကြီး ဒေါ်နော်ဖောဇာမှ ကျေးဇူးတင်စကား ပြန်လည်ပြောကြားခဲ့သည်။ ယင်းနောက်ကျောင်းသား၊ ကျောင်းသူလေးများဇာတိမာန်သီချင်းသီဆိုပြီးအခမ်းအနားကို ပိတ်သိမ်းခဲ့ကြောင်း သိရသည်။
ကျော်ဆန်းမြင့်
https://t.me/MyanmarNationalPost
No comments:
Post a Comment