MNP ၊ မေ ၁၉
ရခိုင်ပြည်နယ် မာန်အောင်မြို့နယ်တွင် မေလ၁၄ရက်နံနက်ပိုင်းက တိုက်ခတ်သွားသော ဆိုင်ကလုန်းမုန်တိုင်းမိုခါကြောင့် အမိုးလန်ပျက်စီးသွားသော စာသင်ကျောင်းများအား ယနေ့နံနက်ပိုင်းက မြို့နယ်တာဝန်ရှိသူများက သွားရောက်ကြည့်ရှုစစ်ဆေးခဲ့သည်။
ထိုသို့ စစ်ဆေး ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့၊(ခေတ္တ)ဥက္ကဋ္ဌ ဗိုလ်မှူးသူရိန်စိုး၊(ခေတ္တ)မြို့နယ်အုပ်ချုပ်ရေးမှူးဦးအောင်ဇော်ထွဋ်နှင့်အဖွဲ့တို့က ဆိုင်ကလုန်းမုန်တိုင်းမိုခါ ကြောင့်အမိုးလန်ပျက်စီးသွားသောမြို့နယ်အတွင်းရှိ စာသင်ကျောင်းများအား သွားရောက်ကြည့်ရှု စစ်ဆေး ကြပြီး စာသင်ကျောင်းများအား ကျောင်းဖွင့်ရက် အမှီဆောင်ရွက်ပေးမည့်အစီအမံများကို ဒေသခံပြည်သူများအား ပြောကြားပြီး အားပေးစကားများပြောကြားခဲ့ကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment