MNP ၊ မေ ၁၉
မွန်ပြည်နယ်၊ကျိုက်ထို မြို့နယ်တွင်စိုက်ပျိုးရေးမွေးမြူရေးနှင့်ဆည်မြောင်းဝန်ကြီးဌာန ကျိုက်ထိုမြို့နယ်စိုက်ပျိုးရေးဦးစီးဌာနမှစပါးမျိုးစေ့(RS-CS) ထုတ်လုပ် ခြင်းဆိုင်ရာနည်းပညာသင်တန်းကို မေလ ၁၉ ရက် နံနက် ၁၀ နာရီတွင် ကျိုက်ထိုမြို့နယ်မုက္ခမူ ကျေးရွာ ရွာလယ် ဘုန်းတော်ကြီးကျောင်းဓမ္မာရုံ၌ ပို့ချခဲ့သည်။
သင်တန်းပို့ချရာတွင် မြို့နယ်စိုက်ပျိုး ရေးဦးစီးဌာန ဦးစီးအရာရှိ ဦးဝင်းဗိုလ် က ၂၀၂၃ ခုနှစ် ကျိုက်ထိုမြို့နယ်အနေဖြင့်တောင်သူများ၏ မျိုးကောင်းမျိုးသန့် လိုအပ်ချက်ကို ဖြည့်ဆည်းနိုင်ရန် မိုးစပါးမျိုးစေ့ထုတ်လုပ်ငန်းသင်တန်းကိုပို့ချရခြင်းဖြစ်ကြောင်း ၊တောင်သူများကိုယ်တိုင် မျိုးစေ့ထုတ်လုပ်ငန်းကိုလုပ်ကိုင်ဆောင် ရွက်တတ်စေရန်၊မျိုးကောင်း မျိုးသန့်စိုက်ပျိုးသည့် အတွက် အထွက်နှုန်းကောင်းမွန်၍ဝင်ငွေတိုးပွာလာစေရန်သင်တန်းပို့ချရသည့်ရည်ရွယ်ချက်ကိုပြောကြားခဲ့သည်။
ဆက်လက်၍ကျိုက်ထိုမြို့နယ်စိုက်ပျိုး ရေးဦးစီးဌာနမှ ဒုတိယလက်ထောက်ဦးစီးမှူး ဒေါ်အိအိအောင်က သင်တန်းကို Projector ဖြင့်ရှင်းလင်းပို့ချခဲ့ရာတောင်သူများကိုယ်စားကျေးရွာအုပ်ချုပ်ရေးမှူး ဦးအောင်မင်းညွန့် ကကျေးဇူးတင်စကား
ပြောကြားခဲ့သည်။
အဆိုပါသင်တန်းသို့ တောင်သူ (၂၀) ဦးတက်ရောက်ပြီး သင်တန်းကာလမှာ တစ်ရက်တာသင်ကြားပို့ချမည်ဖြစ်ကြောင်းသိရသည်။
ဝင်းမောင်
https://t.me/MyanmarNationalPost
No comments:
Post a Comment