MNP ၊ မေ ၁၅
ကချင်ပြည်နယ်၊ဗန်းမော်မြို့တွင် ခရိုင်ဘေးအန္တရာယ်ဆိုင်ရာစီမံခန့်ခွဲမှုအဖွဲ့၊ ဘဏ္ဍာငွေရှာဖွေရေးနှင့် ရန်ပုံငွေထိန်းသိမ်းရေးလုဏ်ငန်းကော်မတီ၏ လုပ်ငန်းညှိနှိုင်းအစည်းအဝေးကို မေ ၁၅ ရက် နံနက် ၁၀ နာရီမှ နေ့လည် ၁၁ နာရီအထိ ခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ပြုလုပ်ခဲ့ကြောင်း သိရသည်။
ခရိုင်စီမံအုပ်ချုပ်ရေးအဖွဲ့ဥက္ကဋ္ဌဦးခင်မောင်လွင် က သဘာဝဘေးအန္တရာယ်ဖြစ်ပေါ်ပါက ဒေသခံပြည်သူများအတွက် စားနပ်ရိက္ခာထောက်ပံ့ပေးနိုင်ရေး၊ မြေပြင်ကွင်းဆင်းစစ်ဆေးချက်အရ လူဦးရေ သုံးသိန်းခန့်အထိ စားနပ်ရိက္ခာ ပြည့်စုံမှုရှိကြောင်း၊ သဘာဝဘေးအန္တရာယ်နှင့်ပတ်သက်ပြီး ပြည်နယ်အစိုးရအဖွဲ့၏ ညွှန်ကြားချက်အတိုင်း လိုက်နာဆောင်ရွက်နေကြောင်း၊ အချိန်နှင့်တပြေးညီ ကယ်ဆယ်ရေးလုပ်ငန်းများနှင့် ပြန်လည်ထူထောင်နိုင်ရေးအတွက် ဆောင်ရွက်ထားမှုအခြေအနေများအား ရှင်းလင်းပြောကြားခဲ့သည်။
သဘာဝဘေးအန္တရာယ်နှင့်ပတ်သက်ပြီး ကူညီကယ်ဆယ်နိုင်ရေးနှင့်ပြန်လည်ထူထောင်နိုင်ရေးအတွက် နယ်မြေခံတပ်မတော်သားများ ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာများ၊ လူမှုရေးအသင်းအဖွဲ့များက အသင့်စုဖွဲ့ပြင်ဆင်ဆောင်ရွက်လျက်ရှိကြောင်း သိရသည်။
#MyanmarNationalPost
No comments:
Post a Comment