MNP ၊ မေ ၁၆
ရခိုင်ပြည်နယ်၊ ဂွမြို့နယ်တွင် အလွန်ပြင်းထန်သော မိုခါမုန်တိုင်းတိုက်ခတ်မှုကြောင့် မေလ(၁၄)ရက်နေ့က ပြိုလဲခဲ့သည့် ဓာတ်အားတိုင်များအား မြို့နယ်လျှပ်စစ်ဓာတ်အားဖြန့်ဖြူရေးလုပ်ငန်းမှ တာဝန်ရှိသူများ၊ တပ်မတော်သားများ၊ မြို့နယ်မီးသတ်တပ်ဖွဲ့ဝင်များ၊ မြို့နယ်ရဲတပ်ဖွဲ့ဝင်များက ယမန်နေ့နှင့် ယနေ့ညနေပိုင်းတွင် ပြန်လည် တည့်မတ် ဆောင်ရွက်ခဲ့ကြကြောင်း သိရသည်။
မြို့နယ်လျှပ်စစ်ဓာတ်အား ဖြန့်ဖြူရေးလုပ်ငန်းမှ တာဝန်ရှိသူများက မေလ(၁၄)ရက်နေ့က လဲကျခဲ့သည့် ရွှေဦးကွင်းကျေးရွာရှိ ၄၀၀ဗို့ဓာတ်အားလိုင်း 9M တိုင်၇တိုင်နှင့် ဂွမြို့ချယ်ရီလမ်းရှိ 315kVA ထရန်စဖော်မာ ၂ တိုင် ပြိုလဲပျက်စီးသွားမှုကို တပ်မတော်သားများ၊ မြို့နယ် မီးသတ်တပ်ဖွဲ့ဝင်များ၊ မြို့နယ်ရဲတပ်ဖွဲ့ဝင်များနှင့် ပူးပေါင်းပြီး ပြန်လည် တည့်မတ် ဆောင်ရွက်ခြင်း၊ လျှပ်စစ်မီးအလှည့်ကျ ဖြန့်ဝေပေးခြင်း စသည့်လုပ်ငန်းများကို အချိန်နှင့်တစ်ပြေးညီ ဆောင်ရွက်ခဲ့ကြကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment