MNP ၊ မေ ၂၃
ရခိုင်ပြည်နယ်၊ ပုဏ္ဏားကျွန်းမြို့နယ်အတွင်းရှိ အခြေခံပညာကျောင်းများတွင်(၂၀၂၃- ၂၀၂၄) ပညာသင်နှစ်အတွက် “ကျောင်းနေအရွယ်ကလေးများအားလုံး ပညာရေးမဝေးဖို့ ကျောင်းအမြန်အပ်နှံကြစို့” ဆောင်ပုဒ်နှင့်အညီ မြို့နယ်လုံးကျွတ်ကျောင်းအပ်နှံခြင်းကို ယနေ့၊ နံနက်ပိုင်းက စတင်၍ ကျောင်းအပ်လက်ခံလျက်ရှိသည်။
ထိုသို့ကျောင်းလက်ခံရာတွင် မည်သည့်အခကြေးငွေများ ကောက်ခံခြင်းမရှိသည့်အပြင် နိုင်ငံတော်မှ ကျောင်းသုံးပြဌာန်းစာအုပ်၊ ဗလာစာအုပ်၊ ဘောပန်၊ ခဲတံ၊ ပေတံစသည်တို့ကို ကျောင်းအပ်လာသူအားလုံးကို သက်ဆိုင်ရာဘာသာတွဲအလိုက် အခမဲ့ထောက်ပံ့ပေးခဲ့သည်။
ပုဏ္ဏားကျွန်းမြို့နယ်တွင် အခြေခံ ပညာကျောင်းပေါင်း(၁၉၉)ကျောင်း၊ ဘုန်းတော်ကြီးပညာသင်ကျောင်း(၅) ကျောင်းကိုယ်ပိုင်ကျောင်း(၃)ကျောင်းရှိပြီး၊(၂၀၂၃-၂၀၂၄)ပညာသင်နှစ် အတွက် ကျောင်းအပ်လက်ခံခြင်းကို ယနေ့နံနက်ပိုင်းမှစ၍ မေလကုန်အထိ ကျောင်းအပ် လက်ခံသွားမည်ဖြစ်ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment