ရမ်းဗြဲမြို့၌သဘာဝဘေးဖြစ်ပွားသည့်ဒေသများအားပြန်လည်ထူထောင်ရေးလုပ်ငန်းများဆောင်ရွက်နိုင်ရန် သွပ်များ မျက်နှာကျက် ကျောက်ပြားများနှင့်အလှူငွေများထောက်ပံ

MNP ၊ မေ  ၂၄

ရခိုင်ပြည်နယ် ၊ ရမ်းဗြဲမြို့နယ်တွင်  မိုခါမုန်တိုင်းကြောင့်  ပြန်လည်ထူထောင်ရေးလုပ်ငန်း ဆောင်ရွက်နိုင်ရေးအတွက်ရောက်ရှိနေသော   ဗိုလ်မှူးချုပ်ဇော်မင်းအေးနှင့်တာဝန်ရှိ သူများတို့သည်   ယနေ့ နံနက်(၉)နာရီအချိန်က  ရမ်းဗြဲမြို့တောင်ကျောင်းဘုန်းတော်ကြီးကျောင်းနှင့် ဗဟန္တောင်ဘုန်းတော်ကြီးကျောင်းများသို့  သွားရောက်ပြီး  မုန်တိုင်းလွန်ကာလ  သံဃာတော်များ ဆွမ်းအခက်အခဲ မဖြစ်ပေါ်စေရေးအတွက်  ဆွမ်းဆန် ၊ ဆီနှင့် အလှူငွေများ ဆက်ကပ်လှူဒါန်းပေးခဲ့ကြသည်။

ဆက်လက်ပြီး  မြို့နယ်အထွေထွေအုပ်ချုပ်ရေးဦးစီးဌာန ရမ္မာဝတီခန်းမ၌  မိုခါမုန်တိုင်းကြောင့်  ပျက်စီးသွားသည့်ရမ်းဗြဲမြို့နယ်အတွင်း   ပညာရေးဌာနရှိ စာသင်ကျောင်း မျက်နှာကျက်နှင့် အုတ်နံရံ ပျက်စီးမှုများ  ၊  သာသနိက အဆောက်အဦများ အမိုးလန် ပျက်စီးမှုများအား ပြန်လည်ထူထောင်နိုင်ရေးလုပ်ငန်းများ ဆောင်ရွက်နိုင်ရန်အတွက်ဗိုလ်မှူးချုပ်ဇော်မင်းအေးမှ  မိမိအစီအစဉ်ဖြင့် သွပ်များ ၊ မျက်နှာကျက် ကျောက်ပြားများနှင့် ထောက်ပံ့အလှူငွေသိန်း(၅၀၀၀၀၀၀/-)ကျပ်တိတိအား ပေးအပ်လှူဒါန်းရာ  မြို့နယ်သဘာဝဘေးအန္တရယ်ဆိုင်ရာ စီမံခန့်ခွဲမှုအဖွဲ့ဥက္ကဌ ၊ မြို့နယ်အုပ်ချုပ်ရေးမှူး ဦးခင်မောင်သန်းနှင့် တာဝန်ရှိသူများက  လက်ခံရယူကြသည်။

ထို့နောက်  ဗိုလ်မှူးချုပ်ဇော်မင်းအေးနှင့် တာဝန်ရှိသူများသည်  ရမ်းဗြဲမြို့အမှတ်(၂)ရပ်ကွက်ရှိ   အမက-ရွှေတုံးစာသင်ကျောင်း ၊ အမှတ်(၅) ရပ်ကွက်ရှိ အမက- လောင်းချောင်းစာသင်ကျောင်း ၊ အထက(၁) ကျောင်းများတွင် ၊(၂၀၂၃-၂၀၂၄) ပညာသင်နှစ် ၊ ကျောင်းသား/သူများအား  ကျောင်းအပ်နှံနေမှုကို  ကြည့်ရှုပြီး ၊ ဆရာ/မများနှင့်ကျောင်းသားမိဘများအား  အားပေးစကားပြောကြားကာ  မြို့ပေါ်ရပ်ကွက်ရှိ  စာသင်ကျောင်း(၇) ကျောင်းသို့ ၊(၁)ကျောင်းလျှင်  ငွေ(၅၀၀၀၀/-)ကျပ်နှုန်းဖြင့် စုစုပေါင်း ငွေ(၃၅၀၀၀၀/-) ကျပ်ကို  ဗိုလ်မှူးချုပ်ဇော်မင်းအေးကမိမိအစီအစဉ်ဖြင့်  အာဟာရ   ထောက်ပံ့ငွေများအား  လှူဒါန်းခဲ့ကြောင်းသိရသည်။

 https://t.me/MyanmarNationalPost