MNP ၊ မေ ၁၉
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် ကသစ်တိုင်းကျေးရွာအုပ်စု၊တောင်လုံးညို အမကကျောင်းတွင်ယနေ့နံနက်ပိုင်းက သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရွှေတောင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ( ၁ / ၂၀၂၃)အသက်မွေးဝမ်းကျောင်း အထောက်အကူပြု ခေါင်းလျှော်ရည်၊ ဆပ်ပြာချက်ပြုလုပ်နည်းသင်တန်း
ဆင်းပွဲအခမ်းအနားကို ကျင်းပခဲ့သည်။
အခမ်းအနားတွင် ရွှေတောင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန၊မြို့နယ်ဦးစီးမှူးလက်ထောက်ညွှန်ကြားရေးမှူး ဦးမျိုးသူ က သင်တန်းဆင်း အမှာစကားပြောကြားခဲ့သည်။
ဆက်လက်၍ ရွှေတောင်မြို့နယ် အသေးစားစက်မှုလက်မှုဦးစီးဌာန၊ ယက္ကန်းနှင့်အသက်မွေးပညာသင်တန်းကျောင်း ကျောင်းအုပ်ဆရာမကြီးဒေါ်သင်းသင်းနွယ်က သင်တန်းကာကအတွင်းပြီးဆုံးသည်အထိတက်ရောက်ခဲ့ကြသောသင်တန်းသား /သူ များကိုကျေးဇူးတင်ရှိကြောင်းနှင့် သင်တန်းမှရရှိသော အတတ်ပညာများဖြင့် ကိုယ်ပိုင်စီးပွားရေးအဖြစ်
တစ်ပိုင်တစ်နိုင်လုပ်ကိုင်နိုင်ကြောင်းပြောကြားခဲ့ပြီးသင်တန်းသား / သူများကိုယ်စား ကျေးရွာအုပ်ချုပ်ရေးမှူး ဦးဌေးအောင်က ကျေးဇူးတင်စကားပြန်လည်ပြောကြားခဲ့သည်။
ထို့နောက်သင်တန်းဆရာမများအား ဂါရဝလက်ဆောင်များနှင့် သင်တန်းသား / သူများကို သင်တန်းဆင်းလက်မှတ်များအသီးသီးပေးအပ်ပြီး စုပေါင်းမှတ်တမ်းဓာတ်ပုံရိုက်ကူးခဲ့ကြကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment