MNP ၊ မေ ၃
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့၌ ဝိသုဒ္ဒါရုံဘုန်းတော်ကြီးကျောင်းဝင်းရှိ မဟာဗောဓိပင်တွင် ကဆုန်လပြည့်နေ့(ဗုဒ္ဓနေ့)ယနေ့ ညနေပိုင်းက ကဆုန်ညောင်ရေသွန်းလောင်းပူဇော်ပွဲကို ကျင်းပခဲ့သည်။
ရှေ့ဦးစွာဝိသုဒ္ဒါရုံကျောင်းဓမ္မာရုံ၌ အခမ်းအနားသို့ကြွရောက်တော်မူကြသည့်ဆရာတော် များနှင့် ဧည့်ပရိတ်သတ်များက အခမ်း အနားအား နမောတဿ(၃)ကြိမ်ရွတ်ဆို၍ ဖွင့်လှစ်ပြီးနောက် ခရိုင်စီမံ အုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင် နှင့်ခရိုင် ၊ မြို့နယ်အဆင့်ဌာနဆိုင်ရာများ ၊ ဧည့်ပရိတ်သတ်များက ဗောဓျာရာမကျောင်း တိုက်ဆရာတော် ဂန္ထဝါစကပဏ္ဍိတ ဘဒ္ဒန္တ ပညာဇောတ ထံမှ ငါးပါးသီလခံယူ တည်ဆောက်ကာ လှူဖွယ်ဝတ္တုများ ဆက်ကပ်လှူဒါန်းသည်။
ဆက်လက်၍ ကဆုန်ညောင်ရေသွန်းလောင်းပူဇော်ပွဲအခမ်းအနားကို ကျင်းပရာ ခရိုင်စီမံအုပ်ချုပ်အဖွဲ့ ဥက္ကဌ ဦးကျော်မြင့်လှိုင်နှင့်ခရိုင် ၊ မြို့နယ်အဆင့်ဌာနဆိုင်ရာများ ၊ ဧည့်ပရိတ် သတ်များက မဟာဗောဓိပင် ခြေရင်း၌ စီတန်းလှည့်လည်နေရာယူပြီးနောက် နတ် ၊ ဗြဟ္မာတို့အားပင့်ဖိတ်ခြင်း ၊ မဟာဗောဓိညောင်ပင်အား မဟာဗောဓိရုက္ခသိဉ္စနပူဇာဂါထာရွတ်ဖတ်ပူဇော်ခြင်းများကိုဆောင်ရွက်သည်။ထို့နောက်ခရိုင်စီမံအုပ်ချုပ် ရေး အဖွဲ့ ဥက္ကဌ နှင့်အဖွဲ့ဝင်များ ၊ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဇာနည်တိုး နှင့်အဖွဲ့ဝင်များ ၊ ခရိုင် ၊ မြို့နယ် အဆင့်ဌာနဆိုင်ရာများ ၊ လူမှုရေးအသင်းအဖွဲ့များ ၊ ဧည့်ပရိတ်သတ်များ က မဟာဗောဓိပင်အား ကဆုန် ညောင်ရေ များသွန်းလောင်းပူဇော်ကြသည်။
ထို့နောက် နတ်ပို့ဂါထာအား ဦးထွန်းထွန်းနိုင် က ရွတ်ဆိုပြီး ရခိုင်စည်တော်တီး၍ အခမ်း အနားကို ရုပ်သိမ်းခဲ့ပြီးနောက် ကဆုန်ညောင်ရေသွန်းလောင်းပူဇော်ပွဲတွင် ပါဝင်ဆင်နွှဲသူများအား ဖျော်ရည် နှင့်မုန့်များ ဖြင့် ဧည့်ခံကျွေးမွေးကုသိုလ်ပြုခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment