MNP ၊ မေ ၂၆
ရခိုင်ပြည်နယ် ၊ ကျောက်ဖြူခရိုင် ၊ ရမ်းဗြဲမြို့နယ် လူထုအခြေပြုဗဟိုဌာ (Community Centre) ခန်းမတွင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးနှင့်ဝန်ထမ်းများ ၊ မြို့နယ်အမျိုးသမီးရေးရာ အဖွဲ့ဥက္ကဌနှင့် အဖွဲ့ဝင်များ ၊ မိခင်နှင့်ကလေးစောင့်ရှောက်ရေးအသင်းဝင်များသည် ယနေ့ နေ့လည်(၁၂)နာရီအချိန်က နံရံကပ်စာစောင်ပြပွဲ၊ စာအုပ်စာစောင် ပြပွဲနှင့် စာဖတ်ဝိုင်း ကျင်းပပြုလုပ်ခဲ့ကြသည်။
ရှေးဉီးစွာ ပြန်ကြားရေးနှင့်ပြည်သူ့ဆက်ဆံရေးဉီးစီးဌာန ၊ မြို့နယ်ဦးစီးမှူး ဒေါ်အောင်တင်ကြည်က စာဖတ်ဝိုင်းကျင်းပရခြင်း ရည်ရွယ်ချက်အား ပြောကြားပြီး မြို့နယ်အမျိုးသမီးရေးရာအဖွဲ့ဥက္ကဌ ဒေါ်နန်းစောညွန့်က ဒို့ကျေးရွာဂျာနယ် အတွဲ(၂၀) အမှတ်(၂) ၊၂၀၂၃ ခုနှစ် ၊ ဇန်နဝါရီ(၁၅) ရက်နေ့ထုတ် ဆောင်းပါးပါ ကံကောင်းဖို့ရာမခက်ပါ ခေါင်းစဉ်ဖြင့် စာဖတ်ဝိုင်း ကျင်းပပြုလုပ်ခဲ့ကြသည်။
၄င်းနောက် မြို့နယ်အမျိုးသမီးရေးရာအဖွဲ့ ဥက္ကဌနှင့်အဖွဲ့ဝင်များ ၊ မိခင်နှင့်ကလေးစောင့်ရှောက်ရေး အသင်းဝင်များသည် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးအထိမ်းအမှတ် နံရံကပ်စာစောင်နှင့် ခင်းကျင်းပြသထားသော စာအုပ်၊စာစောင်များကို စိတ်ဝင်တစား လေ့လာကြည့်ရှုခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment