စစ်တွေမြို့ရှိ မြဝတီထပ်ဆင့်လွှင့်စက်ရုံနှင့် သဇင် FM ထပ်ဆင့်လွှင့် စက်ရုံများမှ ရုပ်သံလှိုင်းများ ပြန်လည်ဖမ်းယူကြည့်ရှုနိုင် - MyanmarNationalPost

MyanmarNationalPost

News Agency

Breaking

စစ်တွေမြို့ရှိ မြဝတီထပ်ဆင့်လွှင့်စက်ရုံနှင့် သဇင် FM ထပ်ဆင့်လွှင့် စက်ရုံများမှ ရုပ်သံလှိုင်းများ ပြန်လည်ဖမ်းယူကြည့်ရှုနိုင်


MNP ၊ မေ ၂၆

အလွန်အားကောင်းသော ဆိုင်ကလုန်းမုန်တိုင်း “မိုခါ”(MOCHA) တိုက်ခတ် မှုကြောင့် ရခိုင်ပြည်နယ် အတွင်းရှိ ကျေးရွာ/ ရပ်ကွက်များမှ လူနေအဆောက် အဦများ၊ ဘာသာရေးဆိုင်ရာ အဆောက်အဦများ၊ ဌာနဆိုင်ရာ အဆောက်အဦများ ပြိုကျပျက်စီးခြင်းများဖြစ်ပေါ်ခဲ့သည့်အပြင် စစ်တွေမြို့ရှိ မြဝတီ ထပ်ဆင့်လွှင့်စက်ရုံ နှင့် သဇင် FM ထပ်ဆင့်လွှင့်စက်ရုံများမှာလည်း မုန်တိုင်းဒဏ်ကြောင့် ပြိုကျပျက်စီး ခဲ့ပြီး ၁၀၀ မီတာ လေးချောင်းထောက် တာဝါတိုင်နှင့် ဆက်စပ်ပစ္စည်းများ လဲကျ ပျက်စီးခဲ့သဖြင့် ရခိုင်ပြည်နယ ်အတွင်း ရုပ်သံထုတ်လွှင့်မှုများ ခေတ္တရပ်ဆိုင်း ခဲ့ရသည်။

အဆိုပါ ပျက်စီးခဲ့သည့် ထပ်ဆင့်လွှင့်စက်ရုံများနှင့် ဆက်စပ်ပစ္စည်းများ အမြန်ဆုံး ပြန်လည်ကောင်းမွန် ထုတ်လွှင့်နိုင်ရေးအတွက် လိုအပ်သည့် ဆက်စပ်ပစ္စည်းများ အမြန်ပို့ဆောင်၍ ပြင်ဆင်ဆောင်ရွက်မှုများကို ဆောင်ရွက်လျက် ရှိကြောင်း၊ ထိုသို့ ဆောင်ရွက်စဉ် ကာလအတွင်း ယာယီထုတ်လွှင့်နိုင်ရေးအတွက် ၁၅ မီတာခန့်ရှိ ယာယီထုတ်လွှင့်တိုင် ထူထောင်ခြင်း၊ Antenna များ ချိန်ညှိခြင်းနှင့်  Cable Feeder များ ချိတ်ဆက်ခြင်း၊ TVRO  စလောင်း ချိန်ညှိဖမ်းယူခြင်း၊ Signal ကောင်းမွန်မှု ရှိ/ မရှိ စစ်ဆေးခြင်းများ ဆောင်ရွက်ခဲ့ရာ မေ ၂၂ ရက်မှစတင်၍ မြဝတီ ရုပ်သံလှိုင်းအား 642 MHz (၁၃၀ ဝပ်)ဖြင့် လည်းကောင်း၊ သဇင် FM အား 88.6 MHz (၅၄၀ ဝပ်)ဖြင့် လည်းကောင်း ၆ မိုင်ခန့် အကွာအဝေးအထိ ကောင်းမွန်စွာ ဖမ်းယူရရှိနိုင်ပြီ ဖြစ်ကြောင်းသိရသည်။

ထို့အပြင် မြဝတီထပ်ဆင့်လွှင့်စက်ရုံနှင့် သဇင် FM ထပ်ဆင့်လွှင့်စက်ရုံများမှ ထုတ်လွှင့်သည့် ရုပ်သံလှိုင်း များအား မူလအတိုင်း ဖမ်းယူကြည့်ရှုနိုင်ရန်အတွက် ၆၅ မီတာ သုံးချောင်းထောက် တာဝါတိုင်ထောင်၍ Coverage Area လျော့ကျမှု မရှိစေ ရေး လွှင့်အားတိုးမြှင့် ထုတ်လွှင့်နိုင်ရန် နေ့/ည မပြတ်ဆောင်ရွက် လျက်ရှိကြောင်း သတင်းရရှိသည်။


#MyanmarNationalPost

No comments:

Post a Comment

Donate and Support

Donate and Support

မြန်မာနေရှင်နယ်ပို့စ် သတင်းအေဂျင်စီ သည် အမျိုးသားရေးကို ဦးထိပ်ထားသည့် သတင်းမီဒီယာဖြစ်ပါသည်။ တိုင်းရင်းသား ပြည်သူများ သတင်းမှန်များ သိရှိစေရေးကိုသာ ဦးစားပေး ဆောင်ရွက်လျက်ရှိပါသည်။ မြန်မာနေရှင်နယ်ပို့စ်သို့ အနှောင်အဖွဲ့ကင်းစွာ ကူညီပံ့ပိုးနိုင်ပါသည်။

KBZ Pay - 09793975969 (U Nauing Win Tun)

Wave Pay - 09692366274 (U Naing Win Tun)