MNP ၊ မေ ၁၇
ကချင်ပြည်နယ် ၊ ဗန်းမော်မြို့တွင် ၂၀၂၃-၂၀၂၄ ပညာသင်နှစ် ဗန်းမော်ခရိုင် (Grade-9)သင်ရိုးသစ် ဆင့်ပွားသင်တန်းဖွင့်ပွဲအခမ်းအနားကို မေ ၁၇ ရက် နံနက် ၈ နာရီခွဲမှ ၉ နာရီခွဲအထိ အမှတ် (၁)အခြေခံပညာအထက်တန်းကျောင်းရှိ အောင်တံခွန်ခန်းမ၌ ပြုလုပ်ခဲ့ကြောင်း သိရသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးအောင်ထွန်းတိုး က အဖွင့်အမှာစကားပြောကြားပြီး ဗန်းမော်တက္ကသိုလ် ပါမောက္ခ ဒေါက်တာဝင်းနိုင် က Grade-9 သင်ရိုးသစ်နှင့်ပတ်သက်သည်များကို ရှင်းလင်းပြောကြားခဲ့ကာ ခရိုင်ပညာရေးမှူး ဦးထွန်းအေးကျော် က သင်တန်းနှင့်ပတ်သက်၍ ရှင်းလင်းပြောကြားခဲ့သည်။
အဆိုပါသင်တန်းကို မေ ၁၇ ရက်မှ ၂၄ ရက်အထိ သင်တန်းပို့ချပေးမည်ဖြစ်ပြီး သင်တန်းသားသင်တန်းသူ ဆရာ/ဆရာမ (၈၇၄)ဦးဖြစ်ကြောင်း သိရသည်။
#MyanmarNationalPost
No comments:
Post a Comment