MNP ၊ မေ ၁
မွန်ပြည်နယ် ၊ ကျိုက်ထိုခရိုင်၊ ကျိုက်ထိုမြို့နယ်အတွင်း သွားလာလှုပ်ရှားနေထိုင်လျှက်ရှိသည့် ပြည်သူများ ကိုဗစ်-၁၉ ဗီဇပြောင်းအိုမီခရွန် ရောဂါကူးစက်ဖြစ်ပွားမှုမရှိစေရန် မေလ ၁ ရက်နံနက် ၉ နာရီတွင် ရန်ကုန်-မော်လမြိုင်သွားကားလမ်းဘေးရှိ မီးသတ်ဦးစီးဌာနရှေ့ဗိုလ်ချုပ်လမ်း၌ဌာန ဆိုင်ရာများပူးပေါင်း၍ Mask
Campaign အသိပညာပေးလုပ်ငန်းကိုဆောင်ရွက်ခဲ့သည်။
ယင်းသို့ဆောင်ရွက်ရခြင်းမှာနိုင်ငံတဝှမ်း ကိုဗစ်-၁၉ ဗီဇပြောင်း အိုမီခရွန်ရောဂါ ကူးစက်ပြန့်ပွား ဖြစ်ပေါ်လျှက်ရှိသည့်အတွက်မြို့နယ်စီမံအုပ်ချုပ်ရေးအဖွဲ့၊မြို့နယ်ကျန်းမာရေးဦးစီးဌာန တို့ ကမြို့နယ်အတွင်းရှိပြည်သူများရောဂါကူးစက်ခံရမှုမရှိစေရေးအတွက်စီမံဆောင်ရွက်ခြင်းဖြစ်သည်။
ကိုဗစ်-၁၉ ဗီဇပြောင်း အိုမီခရွန်ရောဂါ ကြိုတင်ကာကွယ် ထိန်းချုပ်နိုင်ရေး အတွက် ခရီးသွားပြည်သူများကို ပါးစပ်နှာခေါင်းစည်းမဖြစ်မနေ တပ်ဆင်ရန် နှင့် ကျန်းမာရေးဝန်ကြီးဌာနမှထုတ်ပြန်ထားသည့်လမ်းညွှန်ချက်များအတိုင်းနေထိုင်ကြရန်အစရှိသည်တို့ကို ပြောကြားပြီး Mask Campaign အားပြုလုပ်ခဲ့သည်။
အသိပညာပေးဆောင်ရွက်ရာတွင် မြို့နယ်အထွေထွေအုပ်ချုပ်ရေးဦးစီးဌာနမှဝန်ထမ်းများ၊ ကျန်းမာရေးဝန်ထမ်းများ၊ ဌာနဆိုင်ရာများ၊ ရဲတပ်ဖွဲ့၊ မီးသတ်တပ်ဖွဲ့ဝင်များနှင့်ရပ်ကွက်ကျေးရွာအုပ်ချုပ်ရေးအဖွဲ့ဝင်တို့မှ ကျိုက်ထိုမြို့ရှိ ရန်ကုန်-မော်လမြိုင် အဝေးပြေးကားလမ်းမပေါ် သွားလာလှုပ်ရှားနေကြသည့် မော်တော် ယာဉ်များ၊ ဆိုင်ကယ်များ၊ ခရီးသွားလာနေကြသည့် ပြည်သူများအား အိုမီခရွန်အပါအဝင် ကိုဗစ်-၁၉ ရောဂါ ကာကွယ်နိုင်ရေးအတွက် ရောဂါကာကွယ်ဆေး ထိုးနှံမှုများကို အကြိမ်ပြည့် မပျက်မကွက် ထိုးနှံကြရေး စသည်တို့ကို အသိပညာပေး ပြောကြားပြီး နှာခေါင်းစည်း Mask များကိုဖြန့်ဝေပေးခဲ့ကြောင်းသိရသည်။
ဝင်းမောင်
https://t.me/MyanmarNationalPost
No comments:
Post a Comment