MNP ၊ မေ ၃
မွန်ပြည်နယ်၊ ကျိုက်ထိုမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာနခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန နှင့် မြို့နယ် အမျိုးသမီးရေးရာအဖွဲ့တို့ပူးပေါင်း၍ မေ(၃)ရက်နေ့ နေ့လည်ပိုင်း က ကဆုန်လပြည့် ဗုဒ္ဓနေ့အကြောင်း အသိ ပညာပေး Talk Show ဆွေးနွေးပွဲကိုကျင်းပ ပြုလုပ်ခဲ့သည်။
ဆွေးနွေးပွဲတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူးဒေါ်အေးယုဝေက ကဆုန်လပြည့်နေ့တွင် ညောင်ရေသွန်းပွဲကို မြန်မာ့ရိုးရာယဉ်ကျေးမှု တစ်ရပ်အနေဖြင့် ရိုးရာမပြတ် ဆက်လက်ထိန်းသိမ်းသင့်ကြောင်းတို့ကို ဆွေးနွေးပြောကြားပြီး မြိုနယ်အမျိုးသမီးရေးရာအဖွဲ့ဝင်ဒေါ်ခင်ခင်ဆွေ ၊မြိုနယ်မိခင်နှင့်ကလေးစောင့်ရှောက်ရေးအသင်းဝင် ဒေါ်ထူးလဲ့လဲ့ဦးတို့က ကဆုန် လညောင်ရေသွန်းပွဲဖြစ်ပေါ်လာပုံအကြောင်း၊ကဆုန်လပြည့်နေ့၏ထူးခြား သောဝိသေသများ၊ဖွားဖက်တော်ခုနစ်ပါး၊စေတီ(၄)မျိုး၏အဓိပ္ပါယ်တို့ကို အကျယ် တဝင့်ရှင်းလင်းဆွေးနွေးခဲ့သည်။
ကျိုက်ထိုမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် အသိပညာပေးဆွေးနွေးပွဲ Talk Show အစီအစဉ်များရိုက်ကူးထုတ်လွှင့်ခြင်းအပါအဝင် ပြည်သူအသိပညာပေးဝန်ဆောင်မှုလုပ်ငန်းများကို ဆောင်ရွက်လျှက်ရှိကြောင်း သိရသည်။
https://t.me/MyanmarNationalPost
No comments:
Post a Comment