ပုဇွန်တောင်မြို့နယ်၌ ကိုဗစ်-၁၉ ရောဂါကာကွယ်ဆေး အရှိန်အဟုန်မြှင့် ထိုးနှံပေး

MNP ၊    ဇွန်   ၉

ရန်ကုန်တိုင်းဒေသကြီး၊ ဗိုလ်တထောင်ခရိုင်၊ ပုဇွန်တောင်မြို့နယ်အတွင်း ကိုဗစ်-၁၉ရောဂါ ကူးစက် ပြန့်ပွားမှုထိန်းချုပ်ကာကွယ်ရေးအတွက် ကာကွယ်ဆေးထိုးနှံရန် အကျုံးဝင်သူပြည်သူများအား ကိုဗစ် -၁၉ရောဂါ ကာကွယ်ဆေးများကို ယမန်နေ့နံနက် ၉ နာရီက မြို့နယ်ပြည်သူ့ကျန်းမာရေးဦးစီး ဌာနတွင် ထိုးနှံပေးခဲ့ရာ ပုဇွန်တောင်မြို့နယ်ကိုဗစ်-၁၉ ထိန်းချုပ်ရေးနှင့်အရေးပေါ်တုံ့ပြန်ရေးကော်မတီ ဥက္ကဋ္ဌ ဦးဇော်ဝင်းလှိုင်နှင့်အဖွဲ့ဝင်များ လာရောက်ကြည့်ရှုအားပေးခဲ့သည်။

အဆိုပါကာကွယ်ဆေးလာရောက်ထိုးနှံသူ ပြည်သူများအား မြို့နယ်ပြည်သူ့ကျန်းမာရေးဦးစီးဌာနမှ ဒေါက်တာနန်းလှထွန်းခေါင်းဆောင်သည့် ကျန်းမာရေးဝန်ထမ်းများက ကိုဗစ်-၁၉ ရောဂါ ကာကွယ်ဆေး ထိုးနှံပေးရမည့်အကြိမ်အလိုက်  စာရင်းမှတ်တမ်းရေးသွင်းပြီး ကိုဗစ်-၁၉ရောဂါ စည်းကမ်းသတ်မှတ် ချက်များနှင့်အညီ စနစ်တကျထိုးနှံပေးလျက်ရှိရာ ကာကွယ်ဆေး ပထမအကြိမ် ထိုးနှံသူ ၁၄ ဦး၊ ထပ်ဆောင်းကာကွယ်ဆေး(ဒုတိယအကြိမ်)  ၁၃ ဦး၊ ထပ်ဆောင်းကာကွယ်ဆေး(တတိယအကြိမ်)  ၃၀ ဦး၊ ထပ်ဆောင်းကာကွယ်ဆေး (စတုတ္ထအကြိမ်) ၆၀ ဦးနှင့် ထပ်ဆောင်းကာကွယ်ဆေး (ပဥ္စမ အကြိမ်) ထိုးနှံသူ   ၃၀ ဦးတို့အား  ထိုးနှံပေးခဲ့ကြောင်း သိရသည်။

ပုဇွန်တောင်မြို့နယ်အတွင်း ကိုဗစ်-၁၉ရောဂါ ကူးစက်ပြန့်ပွားမှုထိန်းချုပ်နိုင်ရေးအတွက် မြို့နယ် ကိုဗစ်-၁၉ ထိန်းချုပ်ရေးနှင့်အရေးပေါ်တုံ့ပြန်ရေးကော်မတီဦးဆောင်မှုဖြင့် မြို့နယ်ပြည်သူ့ကျန်းမာရေး ဦးစီးဌာန၊ မြို့နယ်ဌာနဆိုင်ရာ တာဝန်ရှိသူများ၊ သက်ဆိုင်ရာဌာနဆိုင်ရာများ၊ မြို့နယ်ကြက်ခြေနီ တပ်ဖွဲ့ဝင်များ၊ လူမှုကူညီရေးအသင်းအဖွဲ့များ၊ ရပ်ကွက်အုပ်ချုပ်ရေးမှူးများနှင့်ပူးပေါင်းပြီး ကိုဗစ်-၁၉ ရောဂါ ကြိုတင်ကာကွယ်နိုင်ရန်နှင့် ကာကွယ်ဆေးအကြိမ်ပြည့်ထိုးနှံပြီးစီးရေး အရှိန်အဟုန်မြှင့်တင် ဆောင်ရွက်လျက်ရှိကြောင်း သတင်းရရှိသည်။

ဟန်စုယဉ် 

 https://t.me/MyanmarNationalPost