MNP ၊ ဇွန် ၁၆
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မိုင်းလုံမြို့အလယ်ရပ်ကွက်တွင် ပြည်သူများ စုပေါင်း၍ ကိုယ့်အားကိုယ်ကိုး ကွန်ကရစ်လမ်းခင်းရာ ယမန်နေ့က ပြီးစီးခဲ့ကြောင်း သိရသည်။
အဆိုပါလမ်းခင်းရာတွင် ရပ်ကွက်နေပြည်သူများက မိမိတို့တတ်နိုင်သော ငွေအား ကိုယ်စီထည့်ဝင်ကြပြီး လုပ်အားကိုလည်း တစ်ရက်လျှင် (၂၀)ဦးခန့် အလည့်ကျ နေ့စဉ်ပူးပေါင်း ဆောင်ရွက်ခဲ့ကြောင်း၊ အခြားအလှူရှင်များကလည်း ဘိလပ်မြေ၊ သဲနှင့် ငွေများကို ပါဝင်လှူဒါန်းကြကြောင်းနှင့် နေ့စဉ်လုပ်အားပေးသော ပြည်သူများကိုလည်း အချိုရည်အလှူရှင်များလည်း လှူဒါန်းကြကြောင်းကို အလယ်ရပ်ကွက်အုပ်ချုပ်ရေးမှူး ဦးအောင်မြင့်လွင်ထံက သိရပြီး ကွန်ကရစ်လမ်းအထူ (၆)လက်မ၊ အကျယ် (၁၀)ပေ၊ အရှည် ပေ(၃၀၀)ခန့်ကို အချိန်(၄)ရက်ဖြင့် အပြီးခင်းနိုင်ခဲ့ကြောင်း သိရသည်။
ဇော်ဇော်
https://t.me/MyanmarNationalPost
No comments:
Post a Comment