ပေါင်မြို့နယ်တွင်မြို့နယ်အဆင့်အခြေခံစားသောက်ကုန်ပစ္စည်းများတိုးမြှင့်ထုတ်လုပ်ရေးနှင့် ကုန်ဈေးနှုန်းတည်ငြိမ်ရေးကော်မတီအစည်းအဝေးကျင်းပ

MNP ၊ ဇူလိုင် ၂၄      

မွန်ပြည်နယ်၊ပေါင်မြို့နယ်တွင် မြို့နယ်အဆင့်အခြေခံစားသောက်ကုန်ပစ္စည်းများတိုးမြှင့်ထုတ်လုပ်ရေးနှင့် ကုန်ဈေးနှုန်းတည်ငြိမ်ရေးကော်မတီအစည်းအဝေးကျင်းပခြင်းကို ယနေ့ နေ့လယ်က အထွေထွေအုပ်ချုပ်ရေးဦးစီးဌာန ရုံးအစည်းအဝေးခန်းမ၌ ကျင်းပပြုလုပ်ခဲ့သည်။

အစည်းအဝေးတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးထင်လင်းအောင် က စားသုံးသူပြည်သူများအခြေခံစားသောက်ကုန်ကိုသက်သာသည့်နှုန်းဖြင့်ရရှိစေရေး၊ငွေကြေးဈေးကွက်အား ဈေးကစားပြီး နိုင်ငံရေးအမြတ်ထုတ်မှုများ မလုပ်နိုင်ရေး ၊ တိရစ္ဆာန်များမှထွက်ရှိသည့် စွန့်ပစ်ပစ္စည်းများဖြင့် ဇိဝမြေဩဇာများ အစားထိုး အသုံးပြုနိုင်ရေး ထုတ်လုပ်သုံးစွဲရန်  စသည်များကို ကော်မတီများနှင့်ညှိနှိုင်းအစည်းအဝေးပြုလုပ်ရခြင်းဖြစ်ကြောင်း ပြောကြားသည်။

ထို့နောက်  ကော်မတီဝင်များက မိမိတို့အနေဖြင့် ပြည်သူများအတွက်  ကုန်ဈေးနှုန်းများကို သက်သက်သာသာ နှင့်ဝယ်ယူစားသောက်နိုင်ရန် နှင့် စားသောက်ကုန်ပစ္စည်းများတိုးမြှင့်ထုတ်လုပ်ရေးနှင့် ကုန်ဈေးနှုန်းတည်ငြိမ်ရေး အတွက် ဆောင်ရွက်ထားရှိမှုများကို ရှင်းလင်းဆွေးနွေးခဲ့ကြသည်။ 

အဆိုပါ  စားသောက်ကုန်ပစ္စည်းများတိုးမြှင့်ထုတ်လုပ်ရေးနှင့် ကုန်ဈေးနှုန်းတည်ငြိမ်ရေးကော်မတီအစည်းအဝေးအရ အပတ်စဉ် စနေ နေ့တိုင်း နံနက် (၆း၃၀)နာရီမှ (၇း၃၀)နာရီအထိ ဝက်သား၊အမဲသား၊ဆန်၊ဆီ၊ကြက်ဥ စသည်များ‌ကိုဈေးနှုန်းချိုသာစွာဖြင့်ရောင်းချပေးသွားမည်ဖြစ်ကြောင်းသိရသည်။

မွန်မလေး 

https://t.me/MyanmarNationalPost