MNP ၊ ဇူလိုင် ၁၈
မကွေးတိုင်းဒေသကြီး၊ စလင်းမြို့နယ် မြို့မစည်ပင်သာယာစျေးကြီး အတွင်းအပြင် ရောင်းချလျက်ရှိသည့် စျေးသည်/စျေးဝယ်သူများ သဘာဝပတ်ဝန်းကျင် ထိခိုက်မှု လျော့နည်းသက်သာစေရေး ပလတ်စတစ်မသုံးစွဲရေးနေ့အဖြစ် သတ်မှတ်ထားရှိမှုအား ယမန်နေ့ နံနက် ၉ နာရီအချိန်က မြို့နယ်စည်ပင်သာယာရေးအဖွဲ့ အမှုဆောင်အရာရှိ ဒေါ်သန်းသန်းအေးနှင့် စည်ပင်သာယာရေးအဖွဲ့ဝန်ထမ်းများ အထွေထွေအုပ်ချုပ်ရေးဦးစီးဌာနမှ ဝန်ထမ်းများ မြန်မာနိုင်ငံရဲတပ်ဖွဲ့ဝင်များ မြို့နယ်မီးသတ်ဦးစီးဌာနမှ ဝန်ထမ်းများပူးပေါင်းအဖွဲ့က ကွင်းဆင်းစစ်ဆေးခဲ့ကြောင်း သိရသည်။
ထိုသို့ မြို့နယ်စည်ပင်သာယာရေးအဖွဲ့မှ ကြီးကြပ်၍ မြို့မစျေးကြီး အတွင်းအပြင် ရောင်းချလျက်ရှိသည့် အသားတန်းနှင့်အသီးအရွက် ငါးရောင်းချသည့် စျေးဆိုင်ခန်းများအား ကွင်းဆင်းစစ်ဆေးဆောင်ရွက်ရာ အပတ်စဥ် တနင်္လာနေ့တိုင်း ပလတ်စတစ်မသုံးစွဲရေးနေ့အဖြစ် သတ်မှတ်ထားရှိရာ လိုက်နာ ဆောင်ရွက်မှု ရှိ/မရှိ စျေးရောင်းချ ထုပ်ပိုးရာတွင် ပလတ်စတစ်အစား မြို့နယ်မှထွက်ရှိသည့် ကြာဖက်နှင့် ငှက်ပျောဖက်များနှင့်အင်ဖက် စက္ကူတို့နှင့် ထုပ်ပိုးရောင်းချခြင်း များအား စစ်ဆေးခဲ့ပြီး ပလတ်စတစ်အိတ်များ အလွန်အကျွံသုံးစွဲ၍ ဘေးထွက်ဆိုးကျိုးများ ရှိစေနိုင်၍ မသုံးစွဲကျရန် ဟောပြောခြင်းများ ပြုလုပ်၍ အသိပညာပေး လက်ကမ်းစာစောင်များ ဖြန့်ဝေခဲ့ကြောင်း မြို့နယ်စည်ပင်သာယာရေးအဖွဲ့ထံမှ သိရသည်။
မောင်လွင်
https://t.me/MyanmarNationalPost
No comments:
Post a Comment