MNP ၊ ဇူလိုင် ၂၅
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ နောင်ချိုမြို့နယ် စားသုံးသူရေးရာဦးစီးဌာနမှ ဈေးကွ်အတွင်း သက်ဆိုင်ရာဌာနမှ ထောက်ခံချက်မပါရှိသော စားသုံးဆီများ ဖြန့်ဖြူးရောင်းချခြင်း ရှိ/မရှိကို ယမန်နေ့ နံနက်(၁၁) နာရီအချိန်က မြို့မဈေးအတွင်းရှိ ကုန်စုံဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာတွင် မြို့နယ်စားသုံးသူရေးရာဦးစီးဌာန၊ မြို့နယ်ရဲတပ်ဖွဲ့၊ ပြန်ကြားရေး နှင့်ပြည်သူ့ဆက်ဆံရေးဦးစီးဌာနနှင့် မြို့နယ်စည်ပင်သာယာရေးဌာနတို့ ပါဝင်သော ပူးပေါင်းအဖွဲ့သည် မြို့မဈေးအတွင်းရှိ ကုန်စုံဆိုင်များတွင် သက်ဆိုင်ရာဌာနမှ ထောက်ခံချက် မပါရှိသော စားသုံးဆီများ ဖြန့်ဖြူးရောင်းချခြင်း ရှိ/မရှိ စစ်ဆေးခဲ့ပြီး ရောင်းချမှုမရှိစေရေး အသိပညာပေး ပြောကြားခဲ့သည်။ ရောင်းချနေမှုအား တွေ့ရှိပါက တည်ဆဲဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်းနှင့် စစ်ဆေးရန် ကျန်ရှိနေသည့် ရပ်ကွက်များအတွင်းရှိ ကုန်စုံဆိုင်များသို့လည်း ဆက်လက် ကွင်းဆင်းစစ်ဆေးသွားမည်ဖြစ်ကြောင်း သိရသည်။
ထွေးငယ်
https://t.me/MyanmarNationalPost
No comments:
Post a Comment