MNP ၊ ဇူလိုင် ၂၇
ရခိုင်ပြည်နယ်၊ ကျောက်ဖြူခရိုင်၊ ရမ်းဗြဲမြို့၌ မြို့ပေါ် ရပ်ကွက်များရှိ ဘုန်းတော်ကြီးကျောင်းများ ဝန်းကျင်သန့်ရှင်း သာယာလှပရေးအတွက် ယနေ့နံနက် (၈)နာရီအချိန်က တပ်မတော်မှ နယ်မြေခံလုံခြုံရေးတပ်ဖွဲ့ဝင်များ၊ ဌာနဆိုင်ရာဝန်ထမ်းများ စုပေါင်း၍ တစ်ပြိုင်နက်တည်း သန့်ရှင်းရေး ဆောင်ရွက်ခဲ့ကြသည်။
ထိုသို့ စုပေါင်းသန့် ရှင်းရေးများဆောင်ရွက်ရာသို့ တပ်မတော်သားများ၊ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊မြန်မာနိုင်ငံရဲတပ်ဖွဲ့ဝင်များ၊မြို့နယ်မီးသတ်တပ်ဖွဲ့ဝင်များ၊ ပြန်/ဆက်ဦးစီးဌာန၊လဝက၊ သစ်တော၊စည်/ပင်၊တိုင်းရင်းဆေး၊ စာတိုက်၊ လူမှုဝန်ထမ်း၊ကျေးလက်၊လျှပ်စစ်၊ပညာရေး၊စာရင်းစစ်၊ ဆက်သွယ်ရေး၊ မြေစာရင်း၊ငါးလုပ်ငန်း၊ စိုက်ပျိုးရေး၊သ/မ၊ဥပဒေ၊ စီမံကိန်း၊ကော်မရှင်၊ လမ်းဦးစီးဌာနတို့ ပူပေါင်းပြီး ဘုန်းတော်ကြီးကျောင်းနှင့် ဘုရားပုထိုးစေတီများ၌ သစ်ကိုင်းသစ်ရွက်များ အမှိုက်များ ချုံနွယ်များ မြက်များကို ခုတ်ထွင်ရှင်းလင်းပြီး အမှိုက်များကိုစနစ်တကျ စွန့်ပစ်ခြင်းများဆောင်ရွက်ခဲ့ကြသည်။
အဆိုပါ ဆောင်ရွက်ရာသို့ ပြန်လည်ထူထောင်ရေး လုပ်ငန်းများ ကြီးကြပ်သူ တပ်မတော်အရာရှိဗိုလ်မှူးချုပ်ဇော်မင်းအေးနှင့်တာဝန်ရှိသူများ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များက လှည့်လည် ကြည့်ရှုအားပေးပြီး လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။
အောင်တင်ကြည်
https://t.me/MyanmarNationalPost
No comments:
Post a Comment