MNP ၊ ဇူလိုင် ၂၁
မန္တလေးတိုင်းဒေသကြီး၊ ကျောက်ဆည်ခရိုင် ကျောက်ဆည်မြို့နယ်ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနမှ တောင်သူများအတွက် စိုက်ပျိုးရေများပြည့်ဝစွာပေးဝေနိုင်ရေး ဘဏ္ဍာနှစ်အလိုက် ရေပြွန်များ၊ မြောင်းနံရံများ၊ ရေကျအဆောက်အအုံများနှင့် သဲနုန်းတူးဖော်ခြင်းလုပ်ငန်းများဆောင်ရွက်ပေးလျက်ရှိရာ ၂၀၂၃-၂၀၂၄ ဘဏ္ဍာနှစ်တွင် သီးနှံမျိုးစုံ(၇၁၃)ဧက စိုက်ပျိုးရေများပေးဝေနေသည့် စော်ဘွား (က)မြောင်း ရေရှည်ကြံ့ခိုင်ရေး ပေတိုင်(၀+၆၃၀)ရှိ CDC တစ်ခုအားပြန်လည်ပြုပြင် ပေးခဲ့ကြောင်း သိရသည်။
အဆိုပါ CDC သည် မြောင်းဦးကျေးရွာအနီး စော်ဘွား(က)မြောင်း၏ မြောင်းအမှတ် အာဒီ (၀+၆၃၀) တွင်တည်ရှိပြီး မြောင်းရေရှည်ကြံ့ခိုင်ရေးနှင့် စိုက်ပျိုးရေများပေးဝေရာတွင် လေလွင့်ဆုံးရှုံးမှု နည်းပါးစေရေး ပျက်စီးနေသည့် CDC ၏ အပေါ်ဘက် ရေပေးတူးမြောင်းအတွင်း အထက်ပိုင်းနှင့်အောက်ပိုင်း မြေကာနံရံများကျောက်သားစီခြင်းနှင့် ကျောက်သားမြေများပြန်လည်ဖို့ပေးခြင်းလုပ်ငန်းများ ဆောင်ရွက်ခြင်းဖြစ်ကြောင်းနှင့် လုပ်ငန်းများကို မန္တလေးတိုင်းဒေသကြီး ခွင့်ပြုရန်ပုံငွေ (၁၈.၇၅၀) ကျပ်သန်းအကုန်အကျခံကာ မြို့နယ်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ တာဝန်ယူ၍သတ်မှတ်စံညွှန်းများနှင့်အညီ သတ်မှတ်ချိန်အတွင်းဆောင်ရွက်ပေးခဲ့ခြင်းဖြစ်ကြောင်း သိရသည်။
စော်ဘွား(က)မြောင်းမှ CDC အား ပြန်လည်ပြုပြင်ပေးခြင်းကြောင့် မြောင်းရေရှည်ကြံ့ခိုင်ပြီးမြောင်းရေ သောက်ဒေသခံတောင်သူများ၏ သီးနှံမျိုးစုံ(၇၁၃)ဧကအတွက် ရေများပေးဝေရာတွင်အလေအလွင့် ဆုံးရှုံးမှုနည်းပါးစွာ သီးနှံများအောင်မြင်သည်အထိ လိုအပ်သည့်ရေပမာဏပြည်ဝစွာ ပေးဝေနိုင်ပြီး တောင်သူ များ၏ လူမှုစီးပွားဘဝများပိုမိုဖွံ့ဖြိုးတိုးတက်မည်ဖြစ်ကြောင်း သိရသည်။
သက်မောင်
https://t.me/MyanmarNationalPost
No comments:
Post a Comment