MNP ၊ ဇူလိုင် ၁၇
သံတွဲခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် Book Club, Youth Club တို့ပူးပေါင်းကျင်းပသည့် ကဗျာအတွေးအမြင်ရေးသားမှုပြိုင်ပွဲ ကို သံတွဲခရိုင်လူထုအခြေပြုဗဟို ဌာန(Community Centre) ဘက်စုံသုံးခန်းမ၌ ကျင်းပပြုလုပ်သည်။
ရှေးဦးစွာဒိုင်အဖွဲ့ဝင် Book Club အဖွဲ့နာယက မြင့်စိုး က ကဗျာအတွေးအမြင် ရေးသားမှုပြိုင်ပွဲ ကျင်းပရခြင်း၏ ရည်ရွယ်ချက်များနှင့် အမှတ်ပေးစည်းမျဉ်း၊ စည်းကမ်းများကို ရှင်းလင်းပြောကြားခဲ့သည်။ ထို့နောက်ပြိုင်ပွဲကိုကျင်းပရာ သံတွဲမြို့နယ်အတွင်းရှိ အခြေခံပညာ ကျောင်းများမှ Grade - 9 , 10, 11, 12 ကျောင်းသား/သူ ၃၂ ဦး ဝင်ရောက်ယှဉ်ပြိုင်ခဲ့ကြသည်။
ယခုလိုပြိုင်ပွဲများကျင်းပပေးရခြင်းမှာ ကျောင်းသား၊ ကျောင်းသူလေးများ စာပေတန်ဖိုးကို ချစ်မြတ်နိုးပြီး စာအုပ်စာပေဖတ်ရှုခြင်းဖြင့် ရရှိလာမည့်အကျိုးကျေးဇူးများ သိရှိစေရန်၊ စာအုပ်စာပေ ကောင်းများကို လေ့လာရှာမှီးတတ်စေရန်၊အတွေးအခေါ်ရင့်သန်လာစေရန်နှင့် အမှားအမှန် ဝေဖန်ပိုင်းခြား တတ်စေရန်ရည်ရွယ်၍ ဆောင်ရွက်ပေးခြင်းဖြစ်သည်။
သန့်ဇင်
https://t.me/MyanmarNationalPost
No comments:
Post a Comment