MNP ၊ ဇူလိုင် ၃
မွန်ပြည်နယ်၊ ကျိုက်ထိုမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာနခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်အမျိုးသမီး ရေးရာအဖွဲ့ တို့ ပူးပေါင်းပြီးဇူလိုင်(၃)ရက်နေ့ နေ့လယ် (၁)နာရီက မြန်မာအမျိုးသမီးနေ့ အထိမ်းအမှတ် အသိပညာပေး Talk Show ဆွေးနွေးပွဲကိုကျင်းပ ပြုလုပ်ခဲ့သည်။
ဆွေးနွေးပွဲတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိဒေါ်သန်းသန်းမော်က မြန်မာအမျိုးသမီးများ၏ စရိုက်လက္ခဏာများ ၊အရေးပါပုံများကို လူငယ်လူရွယ် များသိရှိ စေရန် ရည်ရွယ်ပြီး Talk Show အစီအစဉ် ကျင်းပပြုလုပ်ရခြင်းဖြစ်ကြောင်းရှင်းလင်း ပြောကြားခဲ့သည်။
ထို့နောက် မြို့နယ်အမျိုးသမီး ရေးရာအဖွဲ့ဥက္ကဌ ဒေါ်သန်းသန်းစိုးက မြန်မာအမျိုးသမီးများနေ့ဖြစ်ပေါ်လာပုံ အကြောင်းကိုလည်းကောင်း၊ အဖွဲ့ဝင် ဒေါ်သင်းသင်းဦးက မြန်မာအမျိုးသမီးများ၏ထူးခြားသည့်ဂုဏ်ဒြပ်များအကြောင်းကိုလည်းကောင်း၊အဖွဲ့ဝင် ဒေါ်စုခိုင်ဇာက အမျိုးသမီးများ၏စရိုက်လက္ခဏာနှင့် အရေးပါပုံအကြောင်းစသည်တို့ကိုအကျယ် တဝင့် ရှင်းလင်းဆွေးနွေး ခဲ့ ကြောင်းသိရသည်။
ကျိုက်ထိုမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခုလိုအသိပညာပေးဆွေးနွေးပွဲ Talk Show အစီအစဉ်များရိုက်ကူးထုတ်လွှင့်ခြင်းအပါအဝင် ပြည်သူအသိပညာပေးဝန်ဆောင်မှုလုပ်ငန်းများကိုစဉ်ဆက်မပြတ် ဆောင်ရွက်လျှက်ရှိကြောင်း သိရသည်။
https://t.me/MyanmarNationalPost
No comments:
Post a Comment