MNP ၊ ဩဂုတ် ၅
မွန်ပြည်နယ်၊ပေါင်မြို့နယ်တွင် အခြေခံပညာဦးစီးဌာနနှင့် အားကစားနှင့်ကာယပညာဦးစီးဌာနတို့ပူးပေါင်း၍ မိုးရာသီရိုးရာခြင်းလုံးသင်တန်းဆင်းပွဲကိုယနေ့ နံနက် (၁၁)နာရီက (အထက) မုတ္တမ ကျောင်း၌ပြုလုပ်ကျင်းပခဲ့သည်။
အခမ်းအနားတွင် မြို့နယ်အားကစားနှင်ကာယပညာဦးစီးဌာနမှ ဦးစီးအရာရှိ ဒေါ်အေးသီတာအောင် က ရိုးရာခြင်းလုံးကစားနည်းသည် ရှေးယခင်ကတည်းက ကမ္ဘာပေါ်တွင် မြန်မာနိုင်ငံကဂုဏ်ယူစရာကောင်းအောင် ကမ္ဘာကျော်ခဲ့ကြောင်း၊ခြင်းလုံးကစားခြင်းဖြင့် ကျန်းမာရေးအတွက် သွေး၊လေ ညီညွတ်ခြင်းအပြင် မြန်မာ့အားကစား ကိုထိန်းသိမ်းရာလည်းရောက်ကြောင်းပြောကြားခဲ့သည်။
ထို့နောက် ကျောင်းအုပ်ဆရာမကြီး ဒေါ်ကျင်သန်း က ယခုလို့အားကစားသင်တန်းများကို ဖွင့်လှစ်ပေးခြင်းဖြင့်ကျောင်းသားလူငယ်များ ဗလငါးတန်နှင့်ပြည့်စုံပြီးလူရည်ချွန်များပေါ်ထွက်လာမည်ဖြစ်ကြောင်းကျေးဇူးတင်စကားပြောကြားသည်။
အဆိုပါ သင်တန်းဆင်းပွဲကို မြို့နယ်အားကစားမှူး၊ကျောင်းအုပ်ဆရာမကြီး၊ကျောင်းအကျိုးတော်ဆောင်များ ၊ကျောင်းသား၊ကျောင်းသူများက တက်ရောက်ခဲ့ကြသည်။ထို့ပြင် သင်တန်းသား (၃၀)ဦးတို့က ရိုးရာခြင်းလုံးဖြင့်သရုပ်ပြခဲ့ပြီး သင်တန်းကာလမှာ ရက်(၃၀)ကြာသင်ကြားခဲ့ကြောင်းသိရသည်။
မွန်မလေး
https://t.me/MyanmarNationalPost
No comments:
Post a Comment