MNP ၊ ဩဂုတ် ၂၄
မွန်ပြည်နယ် ၊ပေါင်မြို့နယ်၌ (၂၄)ကြိမ်မြောက် တိုင်းရင်းသားတို့၏ ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ အောင်မြင်စွာကျင်းပနိုင်ရေး လုပ်ငန်းညှိနှိုင်း အစည်းအဝေးကို ယနေ့နံနက် ၁၀ နာရီအချိန်က မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ပြုလုပ်ခဲ့သည်။
ရှေးဦးစွာ မြို့နယ် စီမံအုပ်ချုပ်ရေးအဖွဲ့ ဥက္ကဌ ဦးထင်လင်းအောင် က (၂၄)ကြိမ်မြောက် မြန်မာ့ ရိုးရာယဉ်ကျေးမှု အဆို၊ အက၊ အရေး၊ အတီး ပြိုင်ပွဲ အောင်မြင်စွာကျင်းပနိုင်ရေးကို အခြေခံပညာကျောင်းများနှင့်ရပ်ကွက်/ကျေးရွာရှိဝါသနာရှင် ပြည်သူများ ပါဝင်ယှဉ်ပြိုင်ကြဖို့ဖိတ်ခေါ်ပါကြောင်းအမှာစကားပြောကြားသည်။
ထို့နောက် မြို့နယ်စီမံအုပ်ချုပ်ရေးအဖွဲ့ဝင်ဦးကျော်လင်းဦးက ယခင်နှစ်ကျင်းပခဲ့မှုအပေါ် အားနည်းချက်များကိုအဖြေရှာ၍ ပြိုင်ပွဲကျင်းပရေးကော်မတီအဖွဲ့ဝင်များအားလုံးက ယခုနှစ်ပြိုင်ပွဲကြီးကို အကောင်းဆုံးဖြစ်အောင် ကြိုတင်ပြင်ဆင်ဆောင်ရွက်ကြစေလိုကြောင်း ဆွေးနွေးပြောကြားသည်။
ဆက်လက်၍ အစည်းအဝေးတက်ရောက်လာကြသည့် ဌာနဆိုင်ရာများနှင့် သက်ဆိုင်ရာတာဝန်ရှိသူများ ဖိတ်ကြားထားသည့် ပြိုင်ပွဲကျင်းပရေး ကော်မတီ အဖွဲ့ဝင်များ တက်ရောက်ခဲ့ကြပြီး အဆို၊ အက၊ အရေး၊ အတီးပြိုင်ပွဲများအလိုက် ဖွဲ့စည်းတာဝန်ပေးအပ်ထားသောလုပ်ငန်းစဉ်များနှင့် ပြိုင်ပွဲအမျိုးအစားစုံလင်စွာ ထည့်သွင်းကျင်းပနိုင်ရေး ရှင်းလင်းတင်ပြမှု များအပေါ် မြို့နယ်စီမံအုပ်ချုပ်ရေးအဖွဲ့ဥက္ကဌနှင့်အဖွဲ့ဝင်များက လိုအပ်သည်များဖြည့်စွက်ဆွေးနွေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment