MNP ၊ ဩဂုတ် ၇
ရခိုင်ပြည်နယ်၊ မြောက်ဦးခရိုင်၊ မင်းပြားမြို့နယ်တွင် မိုးအဆက်မပြတ်ရွာသွန်းမှုကြောင့် လေးမြို့မြစ်ရေဆက်လက်မြင့်တက်လျက်ရှိပြီး ရပ်ကွက်၊ ကျေးရွာအချို့တွင် ရေများဝင်ရောက်လျက်ရှိသည်။
မင်းပြားမြို့နယ်တွင် ယခုရက်ပိုင်းအတွင်း မိုးများအဆက်မပြတ် ရွာသွန်းလျက်ရှိပြီး တောင်ကျရေများစီးဆင်းရာမှ လေးမြို့မြစ်ရေမြင့်တက်ကာ မြစ်ဘေးဝဲ/ယာတစ်လျှောက်ရှိ မြေနိမ့်ပိုင်းကျေးရွာများဖြစ်ကြသော ထိန်ပင်၊ ပြင်ယောင်း၊ သတိုး၊ မင်းဇီ၊ မင်းဖူး၊ ကုလားမတောင်၊အိုး ပျဥ်တောင်၊ ဒုံကြီး၊ တပ်ရာ၊ ဖုံသာဝ၊ ငန်းတက်၊ မင်းကူးလမ်းအုပ်စုများရှိ ကျေးရွာအချို့နှင့် လယ်မြေများတွင် တောင်ကျ ရေများဝင်ရောက်လျက်ရှိပြီး အဆိုပါကျေးရွာများရှိ ပြည်သူများမှာ ဘုန်းတော်ကြီးကျောင်း၊ ဓမ္မာရုံနှင့် နီးစပ်ရာ ဆွေမျိုးနေအိမ်များသို့ ပြောင်းရွှေ့နေထိုင်လျက်ရှိကြောင်း၊ ဒေသများအလိုက် သဘာဝဘေးအန္တရာယ်ဆိုင်ရာ ကြိုတင်ပြင်ဆင်ရေးလုပ်ငန်းများကို ပြင်ဆင်ဆောင်ရွက်လျက်ရှိကြောင်း မြို့နယ်အထွေထွေအုပ်ချုပ်ရေးဦးစီးဌာနမှ သိရသည်။
သောင်းရွှေ
https://t.me/MyanmarNationalPost
No comments:
Post a Comment