MNP ၊ ဩဂုတ် ၁၉
ရခိုင်ပြည်နယ်၊ ဂွမြို့နယ်တွင်မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဇာနည်ကျော်၏ ကြီးကြပ်မှုဖြင့် မြို့နယ်ဌာနဆိုင်ရာများက မြို့သန့်ရှင်းသာယာလှပစေရေးနှင့် ကျောင်းပတ်ဝန်း ကျင် သန့်ရှင်းစေရန် ယနေ့နံနက်(၇) နာရီအချိန်က အ-ထ-ကကျောင်းဝန်းအတွင်းတွင် စုပေါင်းဆောင်ရွက်ခဲ့ကြသည်။
ထိုသို့ စုပေါင်းသန့် ရှင်းရေး ဆောင်ရွက်ရာတွင် မြို့နယ် စီမံအုပ်ချုပ်ရေးအဖွဲ့၏ကြီးကြပ်မှုဖြင့် ဌာနဆိုင်ရာဝန်ထမ်းများ၊ နယ်မေခံတပ်ရင်းမှ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မြို့နယ်မီးသတ်တပ်ဖွဲ့ဝင်များက ကျောင်းပတ်ဝန်းကျင် သန့်ရှင်းသာယာလှပစေရေးအတွက် ကျောင်းဝန်းအတွင်းရှိ သစ်ကိုင်း၊သစ်ခက်များကို ခုတ်ထွင်ရှင်းလင်းခြင်း၊ မြက်များ၊ အမှိုက်များကို အမှိုက်သိမ်းယာဥ်ဖြင့် စနစ်တကျ စွန့်ပစ်ခြင်းများအား ဆောင်ရွက်ကြကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment