MNP ၊ ဩဂုတ် ၁၅
ရှမ်းပြည်နယ် (အရှေ့ပိုင်း)၊ တာချီလိတ်ခရိုင်၊ တာလေမြို့ အခြေခံပညာအထက်တန်းကျောင်း၌ ယနေ့ နံနက် ၉ နာရီခွဲက ကျောင်းသား၊ ကျောင်းသူများ ကျန်းမာရေးအသိရှိစေရန်နှင့် ကြိုတင်ကာကွယ်တတ်စေရန် ရည်ရွယ်ကာ မြို့ကျန်းမာရေးဉီးစီးဌာနမှ ကျန်းမာရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရသည်။
ဟောပြောပွဲတွင် တာလေမြို့ကျန်းမာရေးဉီးစီးဌာနမှ အမျိုးသမီးကျန်းမာရေးဆရာမ ဒေါ်နန်းသိန်းဉီးက သွေးလွန်တုပ်ကွေးရောဂါနှင့် ငှက်ဖျားရောဂါအကြောင်း၊ သံချဆေးတိုက်ကျွေးရခြင်းအကြောင်း၊ သံကောင်အကြောင်း၊ ကိုဗစ်-၁၉ ရောဂါအကြောင်း၊ ဆေးလိပ်နှင့်ကွမ်းယာသုံးစွဲခြင်းဖြင့် ဖြစ်ပွားတတ်သောရောဂါများနှင့် သွားစနစ်တကျတိုက်ပုံ၊ တိုက်နည်းများအကြောင်းကို အကျယ်တဝင့်အသိပညာပေးဟောပြောခဲ့ကြောင်း သိရသည်။
ထို့နောက် ကျန်းမာရေးဝန်ထမ်းများက နေထိုင်မကောင်းသည့် ကျောင်းသား၊ ကျောင်းသူများအား ကျန်းမာရေးစစ်ဆေးကုသမှုများဆောင်ရွက်ပေးပြီး အဆိုပါကျောင်းရှိ ကျောင်းသား၊ ကျောင်းသူများအား ALBENDAZOLE သံချဆေးများတိုက်ကျွေးပေးခဲ့ကြောင်း သိရသည်။
တာလေမြို့ကျန်းမာရေးဉီးစီးဌာနအနေဖြင့် မြို့အတွင်းရှိ အခြေခံပညာကျောင်းများသို့ သတ်မှတ်နေ့ရက်အလိုက်ကွင်းဆင်းကာ ကျောင်းကျန်းမာရေးအသိပညာပေးဟောပြောပွဲနှင့် သံချဆေးတိုက်ကျွေးခြင်းများ ဆက်လက်ဆောင်ရွက်သွားမည်ဖြစ်ကြောင်း သိရသည်။
ယဉ်ယဉ်ဝင်း
https://t.me/MyanmarNationalPost
No comments:
Post a Comment