MNP ၊ ဩဂုတ် ၁၀
ရခိုင်ပြည်နယ် ၊ တောင်ကုတ်မြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ လူထုအခြေပြု ဗဟိုဌာန (Community Centre)ခန်းမ၌ ဒေးကာနယ်ဂျီ၏ ဘဝတစ်လျှောက်အောင်မြင်ပျော်ရွှင်နည်း စာအုပ်ဖြင့် စာဖတ်ဝိုင်း ကိုယမန်နေ့ မွန်းလွဲ(၁)နာရီအချိန်က ဆောင်ရွက်ခဲ့ကြောင်းသိရသည်။
ရှေ့ဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ရုံးမှ ဒုတိယဦးစီးမှူး ဒေါ်သန်းနု က စာဖတ်ဝိုင်းကျင်းပရသည့် ရည်ရွယ်ချက်များ အားရှင်းလင်းပြောကြားပြီးနောက် စာဖတ်ဝိုင်းကိုကျင်းပရာ မတင်နီလာဝင်း က အပြစ်မတင်ဘဲ အလုပ်ဖြစ်အောင်လုပ်ပါ စာစုကိုလည်းကောင်း ၊ မနှင်းသက်ဝေ က လူအများနှင့်ပြေပြေပြစ်ပြစ် ဆက်ဆံနည်း စာစုကိုလည်းကောင်း ၊ မေမြတ်သူက ရန်သူရှာနည်း ၊ ရှောင်နည်း စာစုကိုလည်းကောင်း ဖတ်ကြားဆွေးနွေးကြသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ တောင်ကုတ်မြို့နယ်ရုံးအနေဖြင့် စာဖတ်သူတိုးပွား လာစေရန် ၊ ကျောင်းသား၊ကျောင်းသူလူငယ်များအချိန်ကို အကျိုးရှိစွာအသုံးပြုတတ်လာစေရန်နှင့် စာပေဖတ်ရှုခြင်းမှ ရရှိလာသည့် အသိပညာဗဟုတများ ကိုပြန်လည်မျှဝေဆွေးနွေးတတ်သည့် အလေ့အကျင့် ကောင်းများရရှိစေရန်ရည်ရွယ်ချက်များဖြင့် စာဖတ်ဝိုင်းများကို ဆောင်ရွက်လျက်ရှိကြောင်းနှင့် အဆိုပါ စာဖတ်ဝိုင်း ဆွေးနွေးပွဲ သို့ ကျောင်းသူ(၁၅)ဦးတက်ရောက်ဆွေးနွေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment