MNP ၊ ဩဂုတ် ၈
ပဲခူးတိုင်းဒေသကြီး၊ ညောင်လေးပင်ခရိုင်၊ ရွှေကျင်မြို့နယ်တွင် မိုးများအဆက်မပြတ်ရွာသွန်းမှုကြောင့် စစ်တောင်းမြစ်ရေနှင့်ရွှေကျင်မြစ်ရေများ မြင့်တက်လာကာ အနိမ့်ပိုင်းရပ်ကွက်/ကျေးရွာများမှ ပြည်သူများ ယနေ့နံနက်ပိုင်းမှစ၍ ပြောင်းရွှေ့လျက်ရှိကြောင်း သိရသည်။
စစ်တောင်းမြစ်ရေ၏ စိုးရိမ်ရေအမှတ်သည်(၁၀၇၀)စင်တီမီတာနှင့် ရွှေကျင်မြစ်ရေ၏ စိုးရိမ်ရေအမှတ်သည်(၇၀၀)စင်တီမီတာဖြစ်ပြီး ယနေ့နံနက်(၁၁)ခွဲအချိန် တိုင်းထွာချက်အရာ စစ်တောင်းမြစ်ရေသည် (၁၁၀၃)စင်တီမီတာနှင့်ရွှေကျင်မြစ်ရေသည် (၆၅၅)စင်တီမီတာသို့ရောက်ရှိနေပြီး အဆိုပါမြစ်ရေများ မြင့်တက်လာမှုကြောင့် အနိမ့်ပိုင်းရပ်ကွက်/ကျေးရွာများဖြစ်သည့် ညောင်ဝိုင်းရပ်ကွက်၊ မကျည်းတန်းရပ်ကွက်နှင့်အနောက်ဘက်ကျေးရွာများအတွင်းသို့ ရေများဝင်ရောက်ခဲ့သည့်အတွက် နေအိမ်များနစ်မြုပ်ခဲ့သည့် ဒေသခံပြည်သူများက မိမိတို့၏နီးစပ်ရာဆွေမျိုးများနေအိမ်သို့ ပြောင်းရွှေ့နေထိုင်ကြကြောင်း သိရသည်။
ထွန်းထွန်းဇော်
#MyanmarNationalPost
No comments:
Post a Comment