MNP ၊ စက်တင်ဘာ ၂၀
မွန်ပြည်နယ်၊ ကျိုက်ထိုမြို့နယ်တွင် အခြေခံလူတန်းစားပြည်သူများသက်သာချောင်ချိပြီး ကုန်ဈေးနှုန်းတည်ငြိမ်ရေးအတွက် ဆန်စက်လုပ်ငန်းရှင်များအသင်းနှင့်ဆန်စပါးကုန်သည်များအသင်းတို့ပူးပေါင်း၍ သက်သာသောဈေးနှုန်းဖြင့် ဆန်များရောင်းချပေးလျက်ရှိရာ စက်တင်ဘာ ၂၀ရက် မွန်းလွဲ ၁ နာရီအချိန်ခန့်တွင် ဇေယျာမွန်ရပ်ကွက် ရှိ ပြည်သူများအား ရောင်းချပေးခဲ့ကြောင်း သိရသည်။
အများပြည်သူ သက်သာချောင်ချိရေးအတွက် ဧည့်မထဆန် တစ်ပြည်လျှင် ၂၅၀၀ ကျပ် နှုန်း ဖြင့် အခြေခံလူတန်းစားများအား လူတစ်ဦးလျှင် (၁)ပြည်နှုန်း (၂၄) ပြည်ဝင် အိတ် (၁၀)အိတ် ရောင်းချပေးရာ ပြည်သူများက တပျော်တပါး လာရောက်ဝယ်ယူခဲ့ကြသည်။
မြို့နယ်ဆန်စက်လုပ်ငန်းရှင်များအသင်းနှင့်ဆန်စပါးကုန်သည်များအသင်းတို့အနေဖြင့် အခြေခံလူတန်းစားပြည်သူများထံ သက်သာသောဈေးနှုန်းဖြင့် ဆန်များရောင်းချပေးခြင်းကို ယခင်က မြို့နယ်အဆင့် အခြေခံစားသောက်ကုန်ပစ္စည်းများ ကုန်ဈေးနှုန်းတည်ငြိမ်ရေးကော်မတီ၏ စီစဉ်မှုဖြင့် ကျိုက်ထို မြို့မဈေး၌ အပတ်စဉ် သောကြာ နေ့တွင် ပုံမှန် ရောင်းချပေးလျှက်ရှိပြီး ယခုအခါ နေ့စဉ် တစ်ရက်လျှင် ရပ်ကွက်/ကျေးရွာ တစ်ခုစီ၌ အလှည့်ကျ သက်ဆိုင်ရာ ဆန်စက်ကြီးများနှင့် သတ်မှတ်နေရာများ၌ ဆက်လက်ရောင်းချပေးနေကြောင်း သိရသည်။
https://t.me/MyanmarNationalPost
No comments:
Post a Comment