MNP ၊ စက်တင်ဘာ ၁၃
လားရှိုးခရိုင်၊ ရေပူအမြဲတမ်းစစ်ဆေးရေးစခန်းနှင့် လားရှိုးမြို့နယ် အကောက်ခွန်ဦးစီးဌာနမှူးရုံးမှ ဖမ်းဆီးရမိပြီး အများပြည်သူသုံးစွဲရန်မသင့်သော တရုတ်နိုင်ငံထုတ် ဘီယာ၊ စားသောက်ကုန်နှင့် အလှကုန်ပစ္စည်းများ ဖျက်ဆီးပွဲကို ယနေ့နံနက် ၉နာရီ ၃၀ မိနစ်အချိန်က လားရှိုးမြို့နယ် အကောက်ခွန်ဦးစီးဌာန ရုံးဝန်းအတွင်းတွင် ကျင်းပသည်။
အဆိုပါအများပြည်သူတို့ သုံးစွဲရန်မသင့်သောပစ္စည်းများ ဖျက်ဆီးပွဲသို့ လားရှိုးခရိုင်အထွေထွေအုပ်ချုပ်ရေးဦးစီးဌာနမှ လက်ထောက်ညွှန်ကြားရေးမှူး ဦးဇေယျာအုန်း၊ လားရှိုးမြို့နယ်အကောက်ခွန်ဦးစီးဌာနမှူး လက်ထောက်ညွှန်ကြားရေးမှူး ဦးနေမျိုးထွန်းနှင့် စားသုံးသူရေးရာဦးစီးဌာန၊ အစားအသောက် ဆေးဝါးကွပ်ကဲရေးဦးစီးဌာနနှင့် အခြားဌာနများမှ တာဝန်ရှိသူတို့ တက်ရောက်ခဲ့ကြသည်။
အများပြည်သူတို့ သုံးစွဲရန်မသင့်သောပစ္စည်းများဖျက်ဆီးပွဲတွင် တရုတ်နိုင်ငံထုတ်ဘီယာများ၊ စားသောက်ကုန်နှင့်အလှကုန်များ၊ တရုတ်နိုင်ငံထုတ်အစားအစာများ စုစုပေါင်းခန့်မှန်းတန်ဘိုး( ၈၁,၀၀၀,၀၀၀/-) ခန့်ကို ဖျက်ဆီးခဲ့ကြောင်း သိရသည်။
စိုင်းထွန်း
https://t.me/MyanmarNationalPost
No comments:
Post a Comment