MNP ၊ အောက်တိုဘာ ၃
ရှမ်းပြည်နယ်(တောင်ပိုင်း)၊ လင်းခေးခရိုင်၊ မိုင်းပန်မြို့နယ်တွင် အရန်မီးသတ်တပ်ဖွဲ့ဝင်များ လေ့ကျင့်ရေး(မွမ်းမံ)သင်တန်း အမှတ်စဉ်(၁/၂၀၂၃)သင်တန်းဖွင့်ပွဲ အခမ်းအနားကို မြို့နယ်မီးသတ်ဦးစီးမှူးရုံး၌ ယမန်နေ့ နံနက် ၈ နာရီအချိန်က ကျင်းပခဲ့ကြောင်း သိရသည်။
အဆိုပါ သင်တန်းဖွင့်ပွဲအခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ မြို့နယ်အုပ်ချုပ်ရေးမှူး ဦးဟန်ဇော်မြင့်က သင်တန်းအဖွင့်အမှာစကား ပြောကြားခဲ့ပြီး မြို့နယ် မီးသတ်ဦးစီးမှူး ဦးမင်းသုမောင်က အရန်မီးသတ်လေ့ကျင့်ရေးမွမ်းမံသင်တန်းဖွင့်လှစ်ရခြင်း၏ ရည်ရွယ်ချက်များ ရှင်းလင်းပြောကြားခဲ့သည်။
ထို့နောက် မြို့နယ်ရဲတပ်ဖွဲ့မှူး ရဲမှူးကျော်သိန်းနိုင်မှ အရန်မီးသတ်တပ်ဖွဲ့ဝင်များအား အရန်မီးသတ်တူညီဝတ်စုံများပေးအပ်ခဲ့ပြီး မြို့နယ်မီးသတ်တပ်ဖွဲ့မှ အရန်တပ်ဖွဲ့ဝင်များအား မီးသတ်ငြိမ်းခြင်းဆိုင်ရာ သရုပ်ပြ လေ့ကျင့်ပေးခဲ့ကြကြောင်း သိရသည်။
နော်မှိုင်း
https://t.me/MyanmarNationalPost
No comments:
Post a Comment