MNP ၊ အောက်တိုဘာ ၇
ရှမ်းပြည်နယ်တောင်ပိုင်း ၊ လွိုင်လင်ခရိုင် ၊ မိုင်းကိုင်မြို့နယ် ၊ ကတ်ဖွီးကျေးရွာအုပ်စုအတွင်းရှိ ကျေးလက်နေတောင်သူများအား လယ်ယာမြေလုပ်ကိုင်ပိုင်ခွင့်လက်မှတ် ပုံစံ-၇ ပေးအပ်ပွဲ အခမ်းအနားကို ယမန်နေ့ နေ့လည်ပိုင်းက မြို့နယ်အထွေထွေအုပ်ချုပ်ရေးဦးစီးဌာနရုံး အစည်း အဝေးခန်းမ၌ ကျင်းပပြုလုပ်ခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ ဥက္ကဌ ၊ မြို့နယ်အုပ်ချုပ်ရေးမှူး ဦးအောင်စိုးဦးက အဖွင့်အမှာစကားပြောကြားပြီး မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန ဦးစီးအရာရှိ ဦးကျော်ကျော်နိုင်က လယ်ယာမြေလုပ်ကိုင်ပိုင်ခွင့်လက်မှတ် ပုံစံ(၇)နှင့်ပတ်သက်၍ တောင်သူများအတွက် ပိုင်ဆိုင်မှုအထောက်အထား၊ တည်ဆဲဥပဒေနှင့်အညီ ဆောင်ရွက်ခွင့် ရရှိနိုင်မည့် ကိစ္စရပ်များ ၊ ပုံစံ-၇ မရှိသေးသောတောင်သူများအတွက် လျှောက်ထားနိုင်သည့် နည်းလမ်းများကို ရှင်းလင်းပြောကြားကာ တာဝန်ရှိသူများက တောင်သူများထံ လယ်ယာမြေလုပ် ကိုင်ပိုင်ခွင့်လက်မှတ် ပုံစံ(၇)များကို လက်ဝယ်အရောက် ပေးအပ်ခဲ့သည်။
အဆိုပါအခမ်းအနားတွင် မိုင်းကိုင်မြို့နယ်၊ ကတ်ဖွီးကျေးရွာအုပ်စု၊ စွမ်ဝမ်၊ နားဖာလုတ်နှင့် ကောင်းဟဲကျေးရွာများမှ တောင်သူပေါင်း (၈၉)ဦး ၊ ဦးပိုင် ၁၂၇ ဦးပိုင် ၊ ဧရိယာ ၈၃၅.၇၃ ဧက တို့အ တွက် လယ်ယာမြေလုပ်ကိုင်ပိုင်ခွင့်လက်မှတ် ပုံစံ-၇များကို ပေးအပ်နိုင်ခဲ့ကြောင်း သိရသည်။
ချော
https://t.me/MyanmarNationalPost
No comments:
Post a Comment