အမေရိကန်က အီရန်နိုင်ငံမှ လက်နက်များ ယူကရိန်းသို့ ပေးပို့ရန် စီစဉ်နေ

MNP ၊ အောက်တိုဘာ ၅

သိမ်းဆည်းရမိသော အီရန်လက်နက်များနှင့် ခဲယမ်းမီးကျောက်များကို ကိယက်ဗ်မြို့သို့ ပေးပို့ရန် တရားဝင်နည်းလမ်းကို ဝါရှင်တန်က ရှာဖွေနေကြောင်း CNN က အမည်မဖော်လိုသည့် အမေရိကန်အရာရှိများကို ကိုးကား၍ ဗုဒ္ဓဟူးနေ့တွင် ဖော်ပြခဲ့သည်။ အမေရိကန်စစ်တပ်၏ ဗဟိုကွပ်ကဲမှုအဖွဲ့ (CENTCOM) သည် ယခုသီတင်းပတ်အစောပိုင်းက ယူကရိန်းသို့ ခဲယမ်းမီးကျောက်ပေါင်း တစ်သန်းကျော် ပေးပို့ထားပြီးဖြစ်သည်။

အမေရိကန်နှင့် ၎င်း၏မဟာမိတ်များထံမှ ငွေကြေးနှင့် ပစ္စည်းကိရိယာများ ပိုမိုမျှော်လင့်နေသော ယူကရိန်းစစ်တပ် စိုးရိမ်နေသော ရှားပါးပြတ်တောက်မှုအချို့ကို သက်သာရာရစေနိုင်ကြောင်း CNN က ဖော်ပြခဲ့သည်။

လက်နက်ခဲယမ်းများသည် ယီမင်ရှိ ဟူသီပြည်သူ့စစ်များထံမှ ၂၀၂၂ ခုနှစ် ဒီဇင်ဘာလ ၉ ရက်နေ့တွင် အမေရိကန်ရေတပ်မှ သိမ်းဆည်းရမိခဲ့ခြင်းဖြစ်သည်။

ဝါရှင်တန်ဒီစီက သိမ်းဆည်းရမိသော လက်နက်များကို ယူကရိန်းသို့ ပို့ဆောင်ပေးခြင်းအားဖြင့် ရုရှားသို့ အီရန်မှ မောင်းသူမဲ့လေယာဉ်များ ရောင်းချမှုအား လက်တုံ့ပြန်မှုအဖြစ် တရားဝင်နည်းလမ်းဖြင့် ပေးပို့ရန် နည်းလမ်းရှာနေခြင်း ဖြစ်သည်။

ရိုင်ဖယ် ၉၀၀၀ ကျော်၊ စက်သေနတ် ၂၈၄ လုံး၊ ဒုံးပစ်လောင်ချာ ၁၉၄ လုံး၊ တင့်ကားဖျက် ပဲ့ထိန်းဒုံးကျည် ၇၀ ကျော်နှင့် ကျည် ၇ သိန်းကျော် ပါဝင်ကြောင်း သိရသည်။

နောက်ထပ် ယူကရိန်းအကူအညီပေးရေးဥပဒေကြမ်းကို အတည်ပြုရမယ်လို့ သမ္မတ ဂျိုးဘိုင်ဒင်က အခိုင်အမာ ပြောကြားထားပေမယ့် အမေရိကန် ကွန်ဂရက်လွှတ်တော်က အဲဒါကို ဘယ်တော့ လုပ်မယ်ဆိုတာ လောလောဆယ် မသိရသေးပါဘူး။

Ref - RT

https://t.me/MyanmarNationalPost