MNP ၊ ဒီဇင်ဘာ ၄
ရခိုင်ပြည်နယ်၊ မောင်တောမြို့၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ မောင်တောခရိုင်ရုံးမှ ဝန်ထမ်း များက ပြည်ထောင်စုမြန်မာနိုင်ငံတော် ၊ ဝန်ထမ်းရွေးချယ်လေ့ကျင့်ရေးအဖွဲ့“ရုံးလုပ်ငန်းလက်စွဲ”စာအုပ်ဖြင့် စာဖတ်ဝိုင်း ကို ယနေ့ နံနက် ၁၁ နာရီအချိန် လူထုအခြေပြုဗဟိုဌာန Community Centre ခန်းမ ၌ ပြုလုပ်ခဲ့သည်။ ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ မောင်တောခရိုင်ရုံးမှ လက်ထောက်ညွန်ကြားရေးမှူး (တာဝန်ပေး) ဦးမြင့်ခိုင်က ပြည်ထောင်စုမြန်မာနိုင်ငံတော် ၊ ဝန်ထမ်းရွေးချယ်လေ့ကျင့်ရေးအဖွဲ့ “ရုံးလုပ်ငန်း လက်စွဲ” စာ အုပ်ပါ အကြောင်းအရာများဖြစ်သော ဝင်စာများကို အရေးယူဆောင်ရွက်ခြင်း နှင့် စာရွက်စာတမ်းများ လုံခြုံစွာကိုင်ကွယ် ထိန်းသိမ်းခြင်း ခေါင်းစဉ်ပါ အကြောင်းအရာများအား ဖတ်ကြားခဲ့ပြီး ခရိုင်ရုံးရှိ ဝန်ထမ်းများက မှတ်တမ်းထိန်းသိမ်းခြင်း ၊ ပစ္စည်းမှာယူထိန်းသိမ်းခြင်း နှင့် သုံးစွဲခြင်း စသည့် ခေါင်းစဉ်များတွင် ပါဝင်သော အချက်အလက်များ အကြောင်းအရာ များအား တစ်ဦးချင်း ဖတ်ကြား ခဲ့ကြ ပြီး အပြန်အလှန် ဆွေးနွေး ခဲ့ကြ ကြောင်း သိရသည်။
သက်လွင်စိုး ၊ အောင်ကျော်စိန်
https://t.me/MyanmarNationalPost
No comments:
Post a Comment