MNP ၊ ဒီဇင်ဘာ ၁
ကော့ကရိတ်မြို့နယ်အတွင်း ဝင်ရောက်တိုက်ခိုက်သော KNU/PDF အကြမ်းဖက်အဖွဲ့များ ကျဆုံး၊ ထိခိုက်ဒဏ်ရာရ များပြားသည်ဟု ယနေ့ည ထိတွေ့မှုဖြစ်စဉ်များ ထုတ်ပြန်ပြောကြားရာတွင် ဗိုလ်ချုပ်ဇော်မင်းထွန်း က ထည့်သွင်း ပြောကြားသွားသည်။
ဗိုလ်ချုပ်ဇော်မင်းထွန်း က "ကရင်ပြည်နယ်ဘက်မှာတော့ ဒီနေ့မှာ ကော့ကရိတ်မြို့ရဲ့ နေရာ (၈)နေရာကို KNU/PDF အကြမ်းဖက်အဖွဲ့တွေက ဝင်ရောက်တိုက်ခိုက်တာ ရှိပါတယ်။ ဒီနေရာမှာတော့ တိုက်ပွဲ တနေကုန်နီးပါး ဖြစ်ပွားခဲ့ပါတယ်။ KNU/PDF အဖွဲ့က ကျဆုံး၊ ထိခိုက်ဒဏ်ရာရရှိမှု များပြားတယ်ဆိုတာ သိရပါတယ်။ ကော့ကရိတ်မြို့ရဲ့ အခြေအနေကတော့ အခုချိန်မှာ ချောင်းမြောင်း ပစ်ခတ်တာ၊ အဝေးကနေ လက်နက်ကြီးနဲ့ ပစ်ခတ်တာမျိုးပဲ ရှိပါတယ်။" ဟု ပြောသည်။
KNU/PDF အကြမ်းဖက်အဖွဲ့များသည် ကော့ကရိတ်မြို့ကို မကြာခဏ ပစ်မှတ်ထား၍ ဝင်ရောက်တိုက်ခိုက်မှုများ လုပ်ဆောင်ခဲ့သည့်အပြင် ရထားလမ်းများ၊ တံတားများကို မိုင်းခွဲဖျက်ဆီးခြင်း၊ ဓာတ်ငွေ့ပိုက်လိုင်းများကို မိုင်းခွဲဖျက်ဆီးခြင်းများ လုပ်ဆောင်ခဲ့ကြသည်။
https://t.me/MyanmarNationalPost
No comments:
Post a Comment