၂၀၂၃ခုနှစ်၊ အောက်တိုဘာလ (၂၇)ရက်နေ့က စပြီး ရှမ်းပြည်(မြောက်ပိုင်း)မှာ MNDAA, TNLA, AA အကြမ်းဖက်သောင်းကျန်းသူ ၃ဖွဲ့က တိုက်ပွဲများ ဖော်ဆောင်ခဲ့ကြပါတယ်။
ဖော်ပြပါ အကြမ်းဖက်သောင်းကျန်းသူ ၃ဖွဲ့ထဲက TNLA အဖွဲ့ဟာ နောင်ချိုမြို့အနီးကနေစတင်ပြီး လမ်းတံတားတွေကို ဖျက်ဆီးတဲ့ လုပ်ရပ်တွေ လုပ်ဆောင်ခဲ့ကြပါတယ်။
ရှမ်းပြည် (မြောက်ပိုင်း) ပြည်ထောင်စုလမ်းမကြီးပေါ်ရှိ လားရှိုး - သီပေါ ကြားက စဉ့်အင်တံတားကိုလည်း TNLA အကြမ်းဖက်အဖွဲ့က ဖောက်ခွဲဖျက်ဆီးသွားခဲ့သလို သီပေါ - ကျောက်မဲကြားက ကျင်သီတံတားကိုလည်း TNLA အကြမ်းဖက်အဖွဲ့က မိုင်းခွဲဖျက်ဆီးခဲ့ကြပါတယ်။
ဒီတံတားနှစ်စင်း မရှိတော့တဲ့ နောက်ပိုင်း ရှမ်းပြည်(မြောက်ပိုင်း) က ခရီးသွား ပြည်သူများဟာ လားရှိး - သီပေါ - ကျောက်မဲ မှ မန္တလေးကို သွားလာရေးအတွက် နမ္မတူ - သီပေါ လမ်းဘက်နေ ပတ်သွား နေကြရပါတယ်။
နမ္မတူ - သီပေါ ကို ဆက်သွယ်ပေးထားတဲ့ မိုးတေတံတားတစ်စင်းရှိပါတယ်။ (ဒီဇင်ဘာ-၂၈) မနေ့ညက မိုးတေတံတားကိုပါ TNLA အကြမ်းဖက်အဖွဲ့က မိုင်းခွဲဖျက်ဆီးလိုက်ကြပါတယ်။
ရှမ်းပြည် (မြောက်ပိုင်း) က ဒေသခံ ခရီးသွားပြည်သူတွေ၊ ဒေသထွက်ကုန်တွေ တင်ပို့ရောင်းချဖို့ရာမှာ အခက်ခဲဆုံး အခြေအနေဖြစ်အောင် TNLA အကြမ်းဖက်အဖွဲ့က လုပ်ဆောင်ခဲ့ခြင်း ဖြစ်ပါတယ်။
ရှမ်းပြည်(မြောက်ပိုင်း)မှာ အကြမ်းဖက်လုပ်ရပ်တွေ ကျူးလွန်နေတဲ့ အဖွဲ့တွေအပေါ် နိုင်ငံတော်အစိုးရက ပြတ်သားစွာ နှိမ်နင်းခြေမှုန်းတာမျိုး မလုပ်ဘူးဆိုရင်ဖြင့် အကြမ်းဖက်အဖွဲ့တွေရဲ့ လူမဆန်တဲ့ လုပ်ရပ်တွေကြောင့် ဒေသခံပြည်သူများရဲ့ နေ့စဉ် လူမှုစီးပွားဘဝများဟာ အဆိုးဆုံးအခြေအနေထိ အခက်အခဲတွေ ဖြစ်ပေါ်လာနိုင်ပါတယ်။
https://t.me/MyanmarNationalPost
No comments:
Post a Comment