MNP ၊ဇန်နဝါရီ ၂၈
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် ကျိုင်းတုံမြို့၊ ပြည်နယ်ကုသရေးဦးစီးဌာနမှ အထွေထွေအထူးကုသမားတော်ကြီးများအဖွဲ့သည် ယမန်နေ့ နံနက်ပိုင်းက မြို့နယ်ပြည်သူ့ဆေးရုံ၌ ဒေသခံတိုင်းရင်းသားပြည်သူများအား ကျန်းမာရေးကုသမှုများ(အခမဲ့)ကုသပေးခဲ့ကြောင်း သိရသည်။
ထိုသို့ ကျန်းမာရေးကုသမှုများဆောင်ရွက်ပေးရာတွင် ရှမ်းပြည်နယ်(အရှေ့ပိုင်း)ကျိုင်းတုံမြို့၊ ပြည်နယ်ကုသရေးဦးစီးဌာနမှ ဆေးရုံအုပ်ကြီးဒေါက်တာစည်သူအောင်ဦးစီးသည့် အထွေထွေအထူးကုသမားတော်ကြီးများ၊ ခွဲစိတ်၊ ကလေးအထူးကု၊ သားဖွား/မီးယပ်၊ အရိုးရောဂါ၊ သွား၊ မျက်စိ၊ နား/နှာခေါင်း/လည်ချောင်း၊ ဓာတ်ရောင်ခြည်၊ ပြန်လည်သန်စွမ်း၊ စိတ်ရောဂါအထူးကု၊ ရောဂါဗေဒအထူးကုသမားတော်ကြီးများက ဒေသခံတိုင်းရင်းသားမိဘပြည်သူ(၅၂၄)ဦးကို ကျန်းမာရေးစောင့်ရှောက်မှုများ(အခမဲ့)ဆောင်ရွက်ပေးခဲ့ရာ မြို့နယ်ပြည်သူ့ဆေးရုံမှ ဒေါက်တာရဲခေါင်နှင့်ဝန်ထမ်းများ၊ လူမှုရေးအသင်းအဖွဲ့များက ပူးပေါင်းဆောင်ရွက်ပေးခဲ့ကြောင်း သိရသည်။
အဆိုပါ ကျန်းမာရေးကုသမှုများဆောင်ရွက်ပေးရာသို့ ခေတ္တစစ်ဆင်ရေးကွပ်ကဲရေးမှူး ဗိုလ်မှူးကြီးကျော်လင်းနှင့် စစ်ဘက်ဆိုင်ရာအရာရှိကြီးများ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးညီညီအောင်နှင့်တပ်ဖွဲ့ဝင်များ လိုက်လံကြည့်ရှုအားပေးခဲ့ပြီး လိုအပ်ချက်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment