MNP ၊ ဇန်နဝါရီ- ၈
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ်၊ မြို့နယ် မီးသတ်ဦးစီးမှူးရုံးခန်းမတွင်ယနေ့နံနက်ပိုင်းက အရန်မီးသတ်တပ်ဖွဲ့ဝင်များ လေ့ကျင့်ရေး ( မွမ်းမံ) သင်တန်း ( ၁/ ၂၀၂၄) သင်တန်းဖွင့်ပွဲ အခမ်းအနား ကျင်းပခဲ့သည်။
အခမ်းအနားတွင် ရွှေတောင်မြို့နယ် ခေတ္တ မြို့နယ်ရဲတပ်ဖွဲ့မှူး ဒုရဲမှူး အုန်းမြင့်မှ အဖွင့်အမှာစကားပြောကြားပြီး မြို့နယ်အရန်မီးသတ်တပ်ဖွဲ့ ၊ ဒု-တပ်ရင်းမှူး ဦးအေးမြင့်က သင်တန်းအရန်မီးသတ်တပ်ဖွဲ့ဝင်များ လေ့ကျင့်ရေး ( မွမ်းမံ) သင်တန်း ( ၁/ ၂၀၂၄) သင်တန်းကို ရည်ရွယ်ချက် ( ၃) ရပ်ဖြစ်သည့်သတိ၊ သစ္စာ ၊သတ္တိဟူသောဆောင်ပုဒ်နှင့်အညီ နိုင်ငံတော်မှ ချမှတ်သည့်ထား သည့်မူဝါဒများကို သိရှိနားလည်သဘောပေါက်ပြီး ကျရာတာဝန်ကို ကျေပွန်စွာ ထမ်းဆောင်နိုင်စေရန်၊ အခြေခံမီးသတ်ပညာ ၊ရှာဖွေကယ်ဆယ်ရေးပညာများကို ကိုယ်စီ ကျွမ်းကျင်စွာတတ်မြောက်စေရန်၊ လက်တွေ့အသုံးချနိုင်စေရန်အတွက်ရည်ရွယ်လေ့ကျင့်ပေးခြင်းဖြစ်ကြောင်းရှင်းလင်းပြောကြားခဲ့သည်။ထို့နောက် ခေတ္တမြို့နယ်ရဲတပ်ဖွဲ့မှူး ဒု-ရဲမှူး အုန်းမြင့်က အရန်မီးသတ်တပ်ဖွဲ့ဝင်များ အတွက်တူညီဝတ်စုံများပေးအပ်ရာ မြို့နယ်အရန်မီးသတ် ဒု-တပ်ရင်းမှူး ဦးအေးမြင့်မှ လက်ခံရယူခဲ့သည်။
အဆိုပါသင်တန်းအား ( ၈. ၁. ၂၀၂၄) မှ ( ၂. ၂. ၂၀၂၄) ထိ ( ၄) ပတ်ဖွင့်လှစ်သွားမည်ဖြစ်ပြီး သင်တန်းနည်းပြ ( ၃) ဦးဖြင့် သင်တန်းသား ( ၅၀) ဦးတို့အား အခြေခံမီးသတ်ပညာ ၊ရှာဖွေကယ်ဆယ်ရေးပညာများကို စာတွေ့လက်တွေ့ သင်ကြားပို့ချသွားမည်ဖြစ်ကြောင်း ရွှေတောင်မြို့နယ်မီးသတ် ဦးစီးမှူးရုံးမှ သိရသည်။
https://t.me/MyanmarNationalPost
No comments:
Post a Comment