နိုင်ငံတော်အကြီးအကဲ၏ ညွှန်ကြားချက်မျာအား ရှင်းလင်းပွဲနှင့် လုပ်ငန်းအကောင်အထည်ဖော်နိုင်ရေး တာဝန်ပေးပွဲတွင် ချင်းပြည်နယ်ဝန်ကြီးချုပ် ဒေါက်တာဝုန်ဆွန်းထန် တက်ရောက်ရှင်းလင်း

MNP ၊ ဖေဖဝါရီ ၁

နိုင်ငံတော်အကြီးအကဲ၏ ညွှန်ကြားချက်များအား ရှင်းလင်းပွဲနှင့် လုပ်ငန်းအကောင်အထည်ဖော်နိုင်ရေး တာဝန်ပေးအပ်ပွဲကို ဇန်နဝါရီလ ၃၀ ရက်နေ့ မွန်းလွဲ ၁ နာရီက ဟားခါးမြို့၊ ချင်းပြည်နယ် အစိုးရအဖွဲ့ရုံးအစည်းအဝေးခန်းမ၌ ကျင်းပရာ ပြည်နယ်ဝန်ကြီးချုပ် ဒေါက်တာဝုန်ဆွန်းထန် တက်ရောက်ရှင်းလင်းသည်။

                   ဦးစွာ ချင်းပြည်နယ်ဝန်ကြီးချုပ် ဒေါက်တာဝုန်ဆွန်းထန်က ဇန်နဝါရီလ ၂၉ ရက်နေ့တွင် နေပြည်တော်ရှိ နိုင်ငံတော်စီမံအုပ်ချုပ်ရေးကော်စီဥက္ကဋ္ဌရုံး အစည်းအဝေးခန်းမ၌ ကျင်းပပြုလုပ်သည့် ပြည်ထောင်စုအစိုးရအဖွဲ့အစည်းအဝေးအမှတ်စဉ် (၁/၂၀၂၄)၌ နိုင်ငံတော်အကြီးအကဲ၏ လမ်းညွှန်ချက်များကို အကျယ်တဝင့် ရှင်းလင်းပြောကြားသည်။

              ထို့နောက် ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး သိန်းထွန်းအောင်၊ ပြည်နယ်စီးပွားရေးဝန်ကြီး ဦးဟန်ကျင့်ဇမ်း ၊ ပြည်နယ်သံယံဇာတရေးရာဝန်ကြီး ဦးကျော်ငြိမ်း ၊ ပြည်နယ်လမ်းပန်းဆက်သွယ်ရေးဝန်ကြီး ရဲမှူးကြီး စိုးလွင်မိုး၊ ပြည်နယ်ဥပဒေချုပ် ဦးဆွန်းဒုတ်ကျင်နှင့် ပြည်နယ်အစိုးရအဖွဲ့အတွင်းရေးမှူး ဦးအောင်ချိုတို့က လုပ်ငန်းအကောင်အထည်ဖော် ဆောင်ရွက်နိုင်ရေးနှင့် တာဝန်ခွဲဝေပေးအပ်နိုင်ရေးတို့ကို ရှင်းလင်းဆွေးနွေးတင်ပြကြသည်။

ရှင်းလင်းဆွေးနွေးတင်ပြချက်များအပေါ် ပြည်နယ်ဝန်ကြီးချုပ်က လိုအပ်ချက်များ ဖြည့်စွက်ညှိနှိုင်းပေးပြီး နိဂုံးချုပ်အမှာစကားပြောကြားခဲ့ကြောင်း သိရသည်။

https://t.me/MyanmarNationalPost