MNP ၊ ဖေဖော်ဝါရီ ၁၆
မန္တလေးတိုင်းဒေသကြီး၊ မိတ္ထီလာခရိုင်၊ မိတ္ထီလာမြို့နယ်၌ အသက် ၆၅ နှစ်နှင့်အထက် ပြည်သူများအား Pfizer COVID-19 ရောဂါကာကွယ်ဆေးများ ထပ်ဆောင်းထိုးနှံပေးခြင်းကို ယနေ့နံနက် ၉ နာရီအချိန်က အောင်မင်္ဂလာခန်းမတွင် ခရိုင်ပြည်သူ့ကျန်းမာရေးဦးစီးဌာနှင့် ခရိုင်ကုသရေးဦးစီးဌာနတို့ပူးပေါင်းပြီး ဆောင်ရွက်ပေးခဲ့ကြောင်း သိရသည်။
အဆိုပါ Pfizer COVID-19 ရောဂါကာကွယ်ဆေးများ ထပ်ဆောင်းထိုးနှံပေးရာနေရာသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်ဇော်ဦးနှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်အောင်လေးနှင့်အဖွဲ့ဝင်များက ကြည့်ရှုအားပေးသည်။ ထို့သို့ Pfizer COVID-19 ရောဂါကာကွယ်ဆေးများ ထပ်ဆောင်း ထိုးနှံပေးရာတွင် မိတ္ထီလာမြို့ပေါ်ရပ်ကွက်များဖြစ်သည့် အရှေ့ပြင်ဈေး၊ သီရိမင်္ဂလာ၊ မြို့မ၊ ရန်မျိုးအောင်၊ ကျီတော်ကုန်း၊ အောင်ဇေယျာ၊ နန်းတော်ကုန်း၊ အောင်ဆန်း၊ပေါက်ချောင်း၊ ပြည်သာယာ (မ)၊ ပြည်သာယာ(တ)၊ ဝန်ဇင်း စသည့်ရပ်ကွက်များမှ အသက် ၆၅ နှစ်နှင့်အထက် ပြည်သူများအား ခရိုင်ပြည်သူ့ကျန်းမာရေးဦးစီးဌာနနှင့် ခရိုင်ကုသရေးဦးစီးဌာနတို့က ပူးပေါင်းထိုးနှံပေးခဲ့ပြီး ရပ်ကွက်အုပ်ချုပ်ရေးများနှင့် ကြက်ခြေနီတပ်ဖွဲ့ဝင်များက ဝိုင်းဝန်းကူညီဆောင်ရွက်ပေးခဲ့ကြောင်း သိရသည်။
ချမ်းသာ
https://t.me/MyanmarNationalPost
No comments:
Post a Comment