စစ်ကိုင်း မတ် ၁၅
စစ်ကိုင်းပညာရေးတက္ကသိုလ်တွင် ပြည်သူ့စစ်မှုထမ်းဥပဒေဆိုင်ရာ သိကောင်းစရာများ ထပ်ဆင့်ရှင်းလင်းပွဲ အခမ်းအနားကို ၁၃-၃-၂၀၂၄ ရက်နေ့ မွန်းလွဲပိုင်းက အဆိုပါတက္ကသိုလ်တွင် ကျင်းပပြုလုပ်ခဲ့သည်။အခမ်းအနားတွင် စစ်ကိုင်းပညာရေးတက္ကသိုလ် ပါမောက္ခချုပ် ဒေါက်တာမြတ်မြတ်သော်က နိုင်ငံသားတိုင်းသည် ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှုမပြိုကွဲရေး၊ အချုပ်အခြာ တည်တံ့ခိုင်မြဲရေးဟူသော ဒို့တာဝန်အရေးသုံးပါးကိုစောင့်ထိန်းရန် တာဝန်ရှိသဖြင့် ယင်းတာဝန်များကို ထမ်းဆောင်ရန်အလို့ငှာ စစ်ပညာသင်ကြားရန်နှင့် နိုင်ငံတော်ကာကွယ်ရေးအတွက် စစ်မှုထမ်းဆောင်နိုင်ရန် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီသည်(၄-၁၁-၂၀၁၀)ပြည့်နှစ်တွင် ဥပဒေအမှတ်(၂၇/၂၀၁၀)ဖြင့် ပြဌာန်းခဲ့ကြောင်း၊ ယင်းဥပဒေ၏ ပုဒ်မ(၁)၊ ပုဒ်မခွဲ(ခ)အရ နိုင်ငံတော်စီမံအုပ်ချုပ်ရေးကောင်စီသည် ၂၀၂၄ ခုနှစ်၊ ဖေဖော်ဝါရီလ(၁၀)ရက်နေ့တွင် စတင်အသက်ဝင်၍ အတည်ပြုအမိန့်ထုတ်ပြန်ခဲ့ကြောင်းနှင့် ပြည်သူ့စစ်မှုထမ်းဥပဒေများ၊ ပြည်သူ့စစ် မှုထမ်းရန်ကာလ၊ ပြည်သူ့စစ်မှုထမ်းတို့၏ ခံစားခွင့်များ၊ ပြည်သူ့စစ်မှုထမ်းဆောင်ခြင်းမှ ကင်းလွတ်ခွင့်ပြုခြင်း၊ ပြစ်မှု/ပြစ်ဒဏ်များနှင့် အထွေထွေတို့ကို အသေးစိတ်ရှင်းလင်းဆွေးနွေး ပေးခဲ့ကြောင်း သိရသည်။
ဇော်မြင့်နိုင်
https://t.me/MyanmarNationalPost
No comments:
Post a Comment