ပေါင်မြို့နယ်၌စူဠဘွဲ့နှင်းသဘင် ပါဠိပထမပြန် စာမေးပွဲအောင်မြင်စွာကျင်းပနိုင်ရေးလုပ်ငန်းညှိနှိုင်းအစည်းအဝေးကျင်းပ

  

ပေါင်       မတ်      ၂၆

မွန်ပြည်နယ်၊ပေါင်မြို့နယ်တွင် စူဠဘွဲ့နှင်းသဘင် ပါဠိပထမပြန် စာမေးပွဲအောင်မြင်စွာကျင်းပနိုင်ရေးလုပ်ငန်းညှိနှိုင်းအစည်းအဝေးကိုယနေ့နံနက်ပိုင်းက အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌

ကျင်းပပြုလုပ်ခဲ့သည်။

ရှေးဦးစွာ ပေါင်မြို့နယ်စီမံအုပ်ချုပ်ရေးအဖွဲ့ အတွင်းရေးမှူ ရဲမှူးသံမရောင် ကမြို့နယ်အတွင်းရှိသံဃာတော်အရှင်သူမြတ်တို့အား အေးချမ်းစွာစာမေးပွဲဖြေဆိုနိုင်ရန် ဌာနဆိုင်ရာများအပြင် ပြည်သူတွေကပါ    ဝိုင်းဝန်းကူညီဆောင်ရွက်ဖို့လိုအပ်ပါကြောင်း၊သန့်ရှင်းရေးအပြင်၊ဆွမ်းနှင့်လိုအပ်ပစ္စည်းများပူး‌ပေါင်းဆောင်ရွက်ပေးပါရန်လိုအပ်ပါကြောင်းအမှာစကားပြောကြားသည်။

ထို့နောက်  ဒုတိယမြို့နယ်အုပ်ချုပ်ရေးမှုး ဦးကျော်မျိုးလှိုင်က နေ့စဉ်တာဝန်ကျဌာနဆိုင်ရာဝန်ထမ်းများနှင့်စေတနာရှင်ပြည်သူများအား လုပ်အားပေးလုပ်ကိုင်ကြရန်နှင့် နေ့ည ဆွမ်း၊အအေးနှင့်လှူဖွယ်ပစ္စည်းများ ဆပ်ကပ်နိုင်ရေး ပါဝင်ကူညီဆောင်ရွက်ပေးကြပါရန်ဆွေးနွေးခဲ့သည်။

ဆက်လက်၍ မြိုနယ်စီမံအုပ်ချုပ်ရေးအဖွဲ့ဝင် ဗိုလ်မှူးကျော်နိုင်ဦးက ယခုနှစ်သည်ယခင်နှစ်ထက် စာဖြေသံဃာတော်များသည့်အတွက် လုပ်အားပေးများကိုပိုမိုများပြားအောင် ရပ်ကွက်၊ကျေးရွာအုပ်ချုပ်ရေးမှူးတို့ကလည်း ပူးပေါင်းဆောင်ရွက်ကြဖို့လိုအပ်ပါကြောင်းပြောကြားခဲ့သည်။

အစည်းအဝေးကို   မြို့နယ်စီမံအုပ်ချုပ်ရေးအဖွဲ့ဝင်များ၊ဌာနဆိုင်ရာများ၊ကြက်ခြေနီအသင်းအဖွဲ့ဥက္ကဌ၊လူမှုရေးအသင်းအဖွဲ့များတက်ရောက်ကြသည်။ပါဠိပထမပြန် စာမေးပွဲကို  ဧပြီလ(၃) ရက်နေ့မှဧပြီလ (၉)ရက်နေ့အထိ (၇) ရက်ကြာကျင်းပသွားမည်ဖြစ်ကြောင်းသိရသည်။

မွန်မလေး

https://t.me/MyanmarNationalPost