MNP ၊ မတ် ၈
ရခိုင်ပြည်နယ် အမ်းခရိုင်အမ်းမြို့နယ်၌ ၂၀၂၃-၂၀၂၄ ခုနှစ်တက္ကသိုလ်ဝင်စာပေးပွဲကို မတ်လ ၁၁ ရက်နေ့တွင် စတင်ဖြေဆိုကျင်းပသွားမည်ဖြစ်ရာ ဖြေဆိုကြမည့် ကျောင်းသား ကျောင်းသူများ စိတ်အေးချမ်းသာစွာဖြေဆိုနိုင်ရေးအတွက် ခရိုင်စီမံအုပ်ချုပ်ရေးအဖွဲ့တာဝန်ရှိသူ များနှင့်မြို့နယ်စီမံအုပ်ချုပ်ရေးအဖွဲ့ တာဝန်ရှိသူများ မတ် ၈ ရက်၊ ယနေ့ နံနက် ၈ နာရီ၃၀ အချိန်က စာမေးပွဲဖြေဆိုမည့် စာစစ်ဌာနစင်တာများကိုကွင်းဆင်းစစ်ဆေးခဲ့ကြောင်းသိရသည် ။
ထိုသို့စစ်ဆေးရာတွင် ခရိုင်စီမံအုပ်ချုပ်ရေးအဖွဲ့ ဥက္ကဌ ဦးအောင်ဇော်ထက် နှင့်အဖွဲ့ဝင်များ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးစိုးမင်းထက်နှင့် အဖွဲ့ဝင်များ၊ ခရိုင်ပညာရေးမှူး ဒေါ်တင်တင့်မြင့် မြို့နယ်ပညာရေးမှူးနှင့်ဌာနဆိုင်ရာ
တာဝန်ရှိသူများလိုက်ပါ၍ တက္ကသိုလ် ဝင်စာမေးပွဲအမ်းစစ်ဌာန (၄) ခုနှင့် တွဲဘက်ဖွင့်လှစ်မည့်စာစစ်ဌာန (၂)ခုတို့၌
ကျောင်းသားကျောင်းသူများ စိတ်ချမ်းသာစွာဖြေဆိုနိုင်ရေးအတွက် လုံလောက်သောအလင်းရောင်ရရှိရေးမီးဘေးလုံခြုံ ရေးဆောင်ရွက်ထားရှိမှု ၊ စာဖြေခန်းများအတွင်း စာရေး ခုံ၊ ထိုင်ခုံများပြင်ဆင်ဆောင်ရွက်ထားရှိမှုနှင့် စာမေးပွဲဖြေဆို မည့်ကျောင်းသားကျောင်းသူများအ တွက် ကျန်းမာရေးစောင့်ရှောက်မှုပေးရန်ဆောင်ရွက် ထားရှိမှုတို့အား လိုက်လံစစ်ဆေးခဲ့ပြီး လိုအပ်သည်တို့ကို ပေါင်းစပ်ညှှိနှိုင်းဆောင်ရွက်ပေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment