ရန်ကုန်၊ ဧပြီ ၆
ဗမာလူမျိုး စာပေနှင့် ယဉ်ကျေးမှုအသင်းက ယခုနှစ် သင်္ကြန်တွင် ဗမာ့ရိုးရာ ကျေးလက်အတာသင်္ကြန်ပွဲတော် ကို ရန်ကုန်မြို့၊ သာကေတမြို့နယ်ရှိ တိုင်းရင်းသားကျေးရွာ၊ ဗမာအိမ်တွင် ကျင်းပသွားမည်ဖြစ်ကြောင်း သိရသည်။
အသင်းဥက္ကဋ္ဌ ဦးထိန်လင်း ၏ ထုတ်ပြန်ရေးသားချက်တွင် "ဗမာ့ရိုးရာ ကျေးလက်အတာသင်္ကြန်ပွဲတော်၏ အနှစ်သာရကို ခံစားခွင့်ရရှိစေဖို့ အတူတူ ပျော်ရွှင်စွာဆုံစည်းကြပါစို့" ဗမာလူမျိုး စာပေနှင့်ယဉ်ကျေးမှု အသင်း မှ စီစဉ်ကျင်းပသော ဗမာ့ရိုးရာ အတာသင်္ကြန်ပွဲတော်အစီစဉ်ကို အကြို၊ အကျ၊ အကြတ်၊ အတက် (၄) ရက် ဆင်နွှဲပါမည်။ ဗမာအိမ် ၊ တိုင်းရင်းသားကျေးရွာ၊ သာကေတမြို့နယ်တွင် နံနက် (၉)နာရီမှ ညနေ (၅) နာရီ {နေ့စဉ်} ကျင်းပသွားမည်ဖြစ်ပြီး နံနက် (၉:၃၀) နာရီမှ နေ့လည် (၁၂:၀၀)နာရီ {နေ့စဉ်} နေ့လည် (၃:၀၀) နာရီမှ ညနေ (၅:၀၀)နာရီ {နေ့စဉ်} ရေကစားနိုင်ရန် စီစဉ်ထားကြောင်း၊ တစ်ဦးလျှင် တစ်ရက်စာ လက်မှတ် တစ်စောင် (၁၀,၀၀၀/ကျပ်) ဖြင့် အလိုရှိသော နေ့အလိုက် ဝယ်ယူအားပေးနိုင်ကြောင်း သိရသည်။
ပါဝင်ဆင်နွှဲကြသူများကို (၁) ဗမာဖက်ထမင်း၊ (၂) သောက်ရေသန့်၊ (၃) ဗမာမုန့်ပဲသွားရည်စာများဖြင့် ဧည့်ခံပေးသွားမည်ဖြစ်ပြီး ဗမာ့ရိုးရာအတိုင်းရေကစားခြင်း၊ မုန့်လုံးရေပေါ် အတူတကွ ပြုလုပ်သုံးဆောင်ခြင်း၊ ဗမာ့ရိုးရာသောက်ရေအိုးဓလေ့များ ဖော်ထုတ်ခြင်း၊ ဗမာ့ရိုးရာသနပ်ခါးများ လိမ်းခြယ်ခြင်း၊ ဗမာ့ရိုးရာလှည်းယာဉ် နှင့်ဓါတ်ပုံရိုက်နိုင်ခြင်း၊ ဗမာ့ရိုးရာဝတ်စုံနှင့် ဓာတ်ပုံရိုက်နိုင်အောင် ဆောင်ရွက်ပေးထားမည်ဖြစ်ကြောင်း အသိပေးထားသည်။
ဦးထိန်လင်း က " ယနေ့ ခေတ်မြို့ပြမှာ ရှင်သန်ကြီးပြင်းကြရတဲ့ လူငယ်လူရွယ်တွေ မြင်တွေ့ရဖို့ ခဲယဉ်းသော ဗမာ့ရိုးရာ အတာသင်္ကြန်ပွဲတော်ရဲ့ အနှစ်သာရကို သိရှိစေဖို့ လာရောက်လည်ပါတ် လေ့လာနိုင်ဖို့ ဖိတ်ခေါ်ပါတယ်။" ဟု ပြောဆိုထားသည်။
#News
No comments:
Post a Comment